തിരുവനന്തപുരം: വടിവാള് കൊണ്ട് കേക്ക് മുറിച്ച് ജന്മദിനാഘോഷം നടത്തിയ കെ എസ് യു നേതാവിനെ പുറത്താക്കി.കാട്ടാക്കട നിയോജകമണ്ഡലം പ്രസിഡന്റ് ഗോകുല് പള്ളിച്ചലിനെയാണ് പുറത്താക്കിയത്.
ഗോകുല് പള്ളിച്ചലിന്റെ നടപടി സംഘടനയ്ക്ക് അവമതിപ്പുണ്ടാക്കിയെന്ന് കെ എസ് യു പറഞ്ഞു. സംഘടനാ ചുമതലയുള്ള ജനറല് സെക്രട്ടറിയുടെ റിപ്പോര്ട്ട് പരിഗണിച്ചാണ് നടപടി. പാരൂര്ക്കുഴി ജംഗ്ഷനിലാണ് ഗുണ്ടാ സ്റ്റൈല് പിറന്നാളാഘോഷം നടന്നത്.
ഗുണ്ടാ നേതാക്കള്ക്കൊപ്പം വാള് കൊണ്ട് കേക്ക് മുറിക്കുന്ന വീഡിയോ സാമൂഹ്യ മാധ്യമത്തില് പ്രചരിക്കുകയും ചെയ്തു.പള്ളിച്ചല് പഞ്ചായത്തില് കഴിഞ്ഞ പ്രാവശ്യം യുഡിഎഫ് സ്ഥാനാര്ഥി കൂടിയായിരുന്നു ഗോകുല്. പിടിച്ചുപറി, മയക്ക് മരുന്ന് കടത്ത്, വധശ്രമം അടക്കമുള്ള നിരവധി കേസുകളിലെ പ്രതികളാണ് പള്ളിച്ചല് ഗോകുലിനൊപ്പം പിറന്നാള് ആഘോഷത്തില് സംബന്ധിച്ചത്.
