ന്യൂദല്ഹി: മൗര്യ സാമ്രാജ്യത്തിന്റെ സ്ഥാപകനായ ചന്ദ്രഗുപ്ത മൗര്യന്റെ ഉപദേശകനായിരുന്നു ചാണക്യന്. ബുദ്ധികൂര്മ്മതയുള്ള ഇദ്ദേഹത്തിന്റെ ഉപദേശങ്ങള് പല വിജയങ്ങളും നേടാന് രാജാവിനെ സഹായിച്ചിട്ടുണ്ട്. അസാധാരണമായ ജീവിതനിരീക്ഷണങ്ങളാണ് ചാണക്യന്റെ പ്രത്യേകത. ഇദ്ദേഹമെഴുതിയ നീതിശാസ്ത്രം ഏറെപ്രസിദ്ധമായ രാഷ്ട്രമീമാംസ ഗ്രന്ഥമാണ്.
രാജ്യഭരണത്തില് ഏറെ മിടുക്കുള്ള മോദിയും അമിത് ഷായും ചാണക്യന്റെ ആരാധകരാണ്. ഇപ്പോള് ചാണക്യന്റെ ഒരു വാചകം സമൂഹമാധ്യമങ്ങളില് ഏറെ ചര്ച്ച ചെയ്യപ്പെടുകയാണ്. വിദേശിയില് ജനിക്കുന്ന കുട്ടികള്ക്ക് സ്വന്തം മാതൃരാജ്യത്തോട് സ്നേഹമുണ്ടാകില്ലെന്ന ചാണക്യന്റെ വാചകമാണ് ചര്ച്ച ചെയ്യപ്പെടുന്നത്.
ഈ ചാണക്യവചനത്തെ രാഹുല് ഗാന്ധിയുമായി തട്ടിച്ച് മുന്പും ചിലര് വിലയിരുത്തലുകള് നടത്തിയിട്ടുണ്ട്. ഭാരതത്തിനെതിരെ തുടര്ച്ചയായി പരാമര്ശങ്ങള് രാഹുല് ഗാന്ധി നടത്തുന്നതിന്റെ വേരുകള് തേടിച്ചെല്ലുമ്പോഴാണ് ചിലര് ഈ ചാണക്യവചനത്തില് ചെന്നെത്തുന്നത്. കഴിഞ്ഞ ദിവസം ജര്മ്മനിയിലെ ബിഎംഡബ്ല്യു ഫാക്ടറി സന്ദര്ശിച്ചശേഷം രാഹുല് ഗാന്ധി പറഞ്ഞത് ഇന്ത്യയിലെ ഉല്പാദനം മന്ദഗതിയിലാണ് പോകുന്നത് എന്നാണ്. ഒരു വിദേശരാജ്യത്ത് ചെന്ന് നിന്ന് ഇന്ത്യയ്ക്ക് ക്ഷതമുണ്ടാക്കുന്ന പ്രസ്താവനയാണ് രാഹുല് ഗാന്ധി നടത്തിയത്. മോദിയുടെ നേതൃത്വത്തില് ഇന്ത്യയെ ഒരു സേവനരാഷ്ട്രം എന്നതില് നിന്നും ഒരു ഉല്പാദനരാജ്യമാക്കി മാറ്റാന് കഠിനശ്രമമാണ് നടക്കുന്നത്. മൊബൈല് ഉല്പാദനത്തിന്റെ കാര്യത്തിില് ഇന്ത്യ ഇന്ന് ലോകത്തിലെ രണ്ടാമത്തെ കമ്പനിയാമ്. കാര് ഉല്പാദനം, ഇലക്ട്രോണിക് ഉപകരണങ്ങള്, ടോയ്സ് നിര്മ്മാണം തുടങ്ങിയ മേഖലയില് ഇന്ത്യ മുന്നേറുകയാണ്. ഇപ്പോള് ചിപ് നിര്മ്മാണത്തിലേക്കും ഇന്ത്യ തിരിയുന്നു. കൂടുതല് വിദേശക്കമ്പനികള് ഇന്ത്യയിലേക്ക് ആക്ഷിക്കപ്പെടുകയാണ്. അതിനിടയിലാണ് ഇന്ത്യയുടെ കുതിപ്പിനെ ആകെ തകര്ക്കുന്ന പ്രസ്താവന ഉണ്ടായത്. ഇതോടെ ഈ ചാണക്യവചനവും ചര്ച്ച ചെയ്യപ്പെടുകയാണ്.
