ധാക്ക: ബംഗ്ലാദേശിൽ പത്രമാധ്യമങ്ങൾക്കെതിരേ വ്യാപക ആൾക്കൂട്ട ആ്രകമണം. 25 മാധ്യമപ്രവർത്തകരുടെ ജീവൻ രക്ഷിച്ചത് സാഹസികമായാണ്.
വ്യാഴാഴ്ച രാത്രി ബംഗ്ലാദേശിലുടനീളം പുതിയ പ്രതിഷേധങ്ങൾ പൊട്ടിപ്പുറപ്പെട്ടു, യുവനേതാവ് ഷെരീഫ് ഒസ്മാൻ ഹാദി (32) തലയ്ക്ക് വെടിയേറ്റ് കൊല്ലപ്പെട്ടതിന് ശേഷമുണ്ടായതാണ് സംഭവ വികാസങ്ങൾ.
‘ഡെയ്ലി സ്റ്റാർ’, ‘പ്രോഥോം അലി’ എന്നിവയുൾപ്പെടെ നിരവധി ബംഗ്ലാദേശി പത്രങ്ങളുടെ ഓഫീസുകൾ പ്രതിഷേധക്കാർ ആക്രമിക്കുകയും നശിപ്പിക്കുകയും ചെയ്തു.
ധാക്കയിലെ ഷാബാഗ് കവലയ്ക്ക് സമീപമുള്ള കർവാൻ ബസാർ പ്രദേശത്തുള്ള ബംഗ്ലാദേശിലെ പ്രമുഖ ഇംഗ്ലീഷ് ഭാഷാ ദിനപത്രമായ ‘ഡെയ്ലി സ്റ്റാർ’ ഓഫീസ് ആക്രമിക്കുകയും തീയിടുകയും ചെയ്തു. നിരവധി പത്രപ്രവർത്തകരും ജീവനക്കാരും കെട്ടിടത്തിനുള്ളിൽ കുടുങ്ങി.
‘ഡാലി സ്റ്റാർ’ ന് സമീപമുള്ള ബംഗാളി ഭാഷാ ദിനപത്രമായ ‘പ്രോഥോം അലി’യുടെ ഓഫീസും ആക്രമിക്കപ്പെട്ടു. റിപ്പോർട്ടുകൾ പ്രകാരം പ്രക്ഷോഭകർ കെട്ടിടം നശിപ്പിക്കുകയും അതിന് മുന്നിൽ തീയിടുകയും നിരവധി പത്രപ്രവർത്തകരെയും ജീവനക്കാരെയും കുടുക്കുകയും ചെയ്തു. ‘നൂറുകണക്കിന് പ്രകടനക്കാർ രാത്രി 11 മണിയോടെ പ്രോഥോം അലി ഓഫീസിലെത്തി, പിന്നീട് കെട്ടിടം വളഞ്ഞു,തീയിട്ടു, വാർത്താ ഏജൻസിയായ പിടിഐ റിപ്പോർട്ടു ചെയ്യുന്നു.
അസോസിയേറ്റഡ് പ്രസ് (എപി) പ്രകാരം, രണ്ട് കെട്ടിടങ്ങൾക്ക് പുറത്ത് ചില അർദ്ധസൈനികരെ വിന്യസിച്ചിരുന്നു, പക്ഷേ പ്രതിഷേധക്കാരെ പിരിച്ചുവിടാൻ അവർ ഒരു നടപടിയും സ്വീകരിച്ചില്ല. തീ അണയ്ക്കാൻ ഫയർഫോഴ്സ് എത്തിയതിനുശേഷം അവർ പിന്നീട് പ്രക്ഷോഭകരെ പിരിച്ചുവിടാൻ പ്രേരിപ്പിച്ചു. പിന്നീട്, കുറഞ്ഞത് 25 മാധ്യമപ്രവർത്തകരെയെങ്കിലും ഉദ്യോഗസ്ഥർ രക്ഷപ്പെടുത്തി.
ഹാദിയുടെ കൊലപാതകം പുതിയ പ്രതിഷേധങ്ങൾക്ക് തുടക്കമിട്ടു
ഇങ്ക്വിലാബ് മഞ്ചയുടെ കൺവീനറായ ഹാദിയുടെ കൊലപാതകം കഴിഞ്ഞയാഴ്ചയായിരുന്നു. തലയ്ക്ക് വെടിയേറ്റ ഹാദിയെ ചികിത്സയ്ക്ക് സിംഗപ്പൂരിലേക്ക് മാറ്റി, അവിടെ വ്യാഴാഴ്ച മരിക്കുകയായിരുന്നു. തുടർന്ന് ബംഗ്ലാദേശിലുടനീളം വലിയ പ്രതിഷേധങ്ങൾ പൊട്ടിപ്പുറപ്പെട്ടു. ഭാരത വിരുദ്ധ, ഷെയ്ഖ് ഹസീന വിരുദ്ധ പ്രസംഗങ്ങളിലൂടെ കുപ്രസിദ്ധനായിരുന്നു ഹാദി.
ഹാദിയുടെ കൊലപാതകത്തിൽ ഒരു ദിവസത്തെ സംസ്ഥാന ദുഃഖാചരണം പ്രഖ്യാപിച്ച യൂനുസ്, ഹാദിയുടെ കൊലയാളികൾക്കെതിരെ ശക്തമായ നടപടിയെടുക്കുമെന്ന് പ്രതിജ്ഞയെടുത്തു.
