മോഹൻലാൽ അഭിമുഖങ്ങളിൽ പോലും മനസ് തുറക്കാത്ത ആളാണെന്ന് തോന്നിയിട്ടുണ്ടെന്ന ഭാഗ്യലക്ഷ്മിയുടെ വാക്കുകൾ വൈറലാകുന്നു . മുൻപൊരിക്കൽ മോഹൻലാലും ആയി നടത്തിയ അഭിമുഖത്തിലാണ് ഇക്കാര്യം ഭാഗ്യലക്ഷ്മി തുറന്നുപറയുന്നത്. ഉത്തരം പറയാൻ എന്തോ ഒരു വിഷമം ഉള്ളപോലെ ആ ഉത്തരം മനസ്സിൽ ഉണ്ടെങ്കിലും അത് പറയാത്തതുപോലെ തോന്നാറുണ്ട് എന്ന് ഭാഗ്യലക്ഷ്മി പറയുമ്പോൾ അതിനു മോഹൻലാൽ നൽകിയ പ്രതികരണം ആണ് സോഷ്യൽ മീഡിയയിൽ നിറയുന്നത്.
നിങ്ങളുടെ ഉള്ളിൽ ഒരു ഉത്തരം ഫീഡ് ചെയ്തിട്ടുണ്ടാകും, അത് ഞാൻ പറയണം എന്നില്ലല്ലോ എന്ന മറുപടിയാണ് മോഹൻലാൽ നൽകിയത്.
‘ പ്രിയനും സുരേഷും ഒക്കെ ഇരിക്കുമ്പോളും എന്തുകൊണ്ട് ഇത്ര സീരിയസ് ആയി ഇരിക്കുന്നു., മനസ്സിൽ പിടിച്ചു സംസാരിക്കുന്നു എന്ന് എനിക്ക് പലപ്പോഴും തോന്നാറുണ്ട് ‘ എന്നായിരുന്നു ഭാഗ്യലക്ഷ്മിയുടെ അടുത്ത ചോദ്യം .
‘ അതിന് നമ്മൾ ചോദിക്കുന്ന കാര്യം അല്ലെങ്കിൽ നമ്മൾ പറയാൻ ഉദ്ദേശിക്കുന്ന ഉത്തരം ഒരുപാട് ആളുകൾ കാണുന്നത് അല്ലെ. അപ്പോൾ എന്താണ് ഞാൻ മണ്ടത്തരം പറയാണോ? ഇപ്പോൾ നിങ്ങൾ ചോദിക്കുന്ന കാര്യങ്ങൾ നല്ല സീരിയസ് ആണ്, അപ്പോൾ അങ്ങനെ ഉള്ള ഉത്തരം തരുന്നു. 35 വർഷമായി അഭിനയിക്കുന്ന ഒരാളോട് നിങ്ങൾ എങ്ങനെ അഭിനയിക്കുന്നു എന്ന് ചോദിച്ചാൽ എനിക്ക് അറിയില്ല, എന്താണ് പറയേണ്ടത് എന്ന്. അത് സത്യമായ കാര്യമാണ്. ഇനി നിങ്ങൾ കുസൃതി നിറഞ്ഞ ചോദ്യം ചോദിക്കൂ അതേപോലെ ഉള്ള മറുപടികൾ ഞാൻ തരാം ‘ എന്നാണ് മോഹൻലാൽ പറയുന്നത് .
