ഹന്സ: ഭാരത നാവികസേനയുടെ രണ്ടാമത്തെ എം എച്ച്- 60ആര് ഹെലികോപ്ടര് സ്ക്വാഡ്രണ് ഐഎന്എഎസ് 335 (ഓസ്പ്രേസ്) ഗോവയിലെ ഐഎന്എസ് ഹന്സയില് കമ്മിഷന് ചെയ്തു.
ഭാരതത്തിന്റെ ഏറ്റവും വലിയ നാവിക വ്യോമതാവളത്തില് നടന്ന ചടങ്ങില് നാവികസേനാ മേധാവി അഡ്മിറല് ദിനേശ് കെ. ത്രിപാഠി അധ്യക്ഷത വഹിച്ചു.
മള്ട്ടി- മോഡ് റഡാര്, ഇലക്ട്രോ- ഒപ്റ്റിക്കല് സിസ്റ്റങ്ങളുടെ പിന്തുണയോടെ എജിഎം- 114 ഹെല്ഫയര് മിസൈലുകള്, ഭാരം കുറഞ്ഞ ടോര്പ്പിഡോകള്, മെഷീന് ഗണ്ണുകള് എന്നിവ വഹിക്കാന് കഴിയുന്ന ഹെലികോപ്ടര് ഫ്ളീറ്റ് പ്രവര്ത്തനങ്ങളുമായി പൂര്ണമായും സംയോജിപ്പിച്ചിരിക്കുന്നു.
‘രാവും പകലും പ്രവര്ത്തിക്കാന് കഴിയുന്ന ഭാരത നാവികസേനയുടെ ഏറ്റവും നൂതനമായ ഹെലികോപ്ടര്’ എന്നാണ് ഐഎന്എഎസ് 335ന്റെ സീനിയര് പൈലറ്റായ ലഫ്. കമാന്ഡര് പ്രഖര് ഭാര്ഗവ ഇതിനെ വിശേഷിപ്പിച്ചത്.
