മധുര: തിരുപ്രംകുണ്ഡ്രം ശ്രീസുബഹ്മണ്യ സ്വാമി ക്ഷേത്രത്തിലെ ദീപസ്തംഭത്തില് കാര്ത്തിക ദീപം തെളിയിക്കാനുള്ള കോടതി ഉത്തരവ് നടപ്പാക്കാത്ത ഉന്നത ഉദ്യോഗസ്ഥര്ക്ക് ഹൈക്കോടതി മധുര ബെഞ്ചിന്റെ രൂക്ഷവിമര്ശനം. കോടതി ഉത്തരവ് പലകുറി ലംഘിച്ചത് ആരുടെയെങ്കിലും നിര്ദേശപ്രകാരമായിരുന്നോയെന്ന് വ്യക്തമാക്കാന് ജസ്റ്റിസ് ജി. ആര്. സ്വാമിനാഥന് ചീഫ് സെക്രട്ടറിയോട് നിര്ദേശിച്ചു.
കേസില് അടുത്ത വാദം കേള്ക്കുന്ന ദിവസം തന്നെ ഉത്തരവാദിത്തത്തോടെയുള്ള മറുപടി നല്കണം. ക്രമസമാധാന പ്രശ്നത്തിന്റെ പേരു പറഞ്ഞ് നിരോധനാജ്ഞ ഏര്പ്പെടുത്തി കോടതി ഉത്തവ് ലംഘിക്കുന്ന രീതിയില് ബെഞ്ച് കടുത്ത അതൃപ്തി രേഖപ്പെടുത്തി.
