ഇന്ത്യ മുഴുവന് ആരാധകരുള്ള താരമാണ് അല്ലു അര്ജുന്. ഫിറ്റ്നസിന്റെ കാര്യത്തില് അതീവ ശ്രദ്ധാലുവാണ് താരം.ഓട്ടവും വെയ്റ്റ് ട്രെയിനിങ്ങും ഉള്പ്പെടുന്നതാണ് അല്ലുവിന്റെ വർക്കൗട്ട് ദിനചര്യ. രാവിലെ വെറും വയറ്റില് 45 മിനിറ്റ് ട്രെഡ് മില്ലില് ഓടാറുണ്ട്.
ചില സമയങ്ങളില് ആഴ്ചയില് മൂന്നുവട്ടവും ചിലപ്പോള് 7 ദിവസവും ചെയ്യാറുണ്ടെന്നും അല്ലു അര്ജ്ജുന് പറയുന്നു.കാര്ഡിയോ, വെയിറ്റ് ട്രെയിനിങ്, ഫങ്ഷനല് ട്രെയിനിങ് എന്നിവയെല്ലാം ഉള്പ്പെടുത്താറുണ്ട്. ഓട്ടം, സൈക്ലിങ്, നീന്തല് എന്നിവ ഉള്പ്പെടുന്നതാണ് അദ്ദേഹത്തിന്റെ കാര്ഡിയോ വര്ക്കൗട്ട്. ബെഞ്ച്പ്രസ്, സ്ക്വാട്ട്സ്, ഡെഡ്ലിഫ്റ്റ്സ്, പുള്- അപ്സ് എന്നിവ ഉള്പ്പെടുത്തി കൊണ്ടുള്ള വെയിറ്റ് ട്രെയിനിങ്ങാണ് ചെയ്യാറുള്ളത്. പ്ലാങ്ക്സ് ഉള്പ്പെടെയുള്ള ഫങ്ഷനല് ട്രെയിനിങ്ങും ഇതോടൊപ്പം ചെയ്യും.
എല്ലാ ദിവസവും ഒരേ പ്രാതലാണ് കഴിക്കുന്നതെന്നും കഥാപാത്രത്തിന്റെ ആവശ്യത്തിനായി ഡയറ്റില് മാറ്റങ്ങള് വരുത്താറുണ്ടെന്നും അദ്ദേഹം പറയുന്നുണ്ട്. പ്രാതല് മിക്കവാറും ഒരേ പോലെയായിരിക്കും. പ്രാതലില് മുട്ട പതിവാണ്. അത്താഴം സാഹചര്യത്തിന് അനുസരിച്ച് മാറും. ചിലസമയത്ത് ചോക്ളേറ്റും കഴിക്കാറുണ്ട്. പോസ്റ്റ് വര്ക്കൗട്ട് ഷെയ്ക്ക്, ഡ്രിങ്ക് തുടങ്ങിയവ കഴിക്കാറുണ്ട്. ചില നേരങ്ങളില് ഇവയൊന്നുമില്ലാതെ നേരെ സാധാരണ ഭക്ഷണത്തിലേക്കാണ് കടക്കാറുള്ളത്. ചെയ്യുന്ന സിനിമകള്ക്ക് അനുസരിച്ചാണ് ഡയറ്റ് ക്രമീകരിച്ചിട്ടുള്ളത്.
പ്രോട്ടീന് ധാരാളമടങ്ങിയ ഡയറ്റാണ് അല്ലു അര്ജുന് പിന്തുടരുന്നത്. ഇതിന്റെ ഭാഗമായി ചിക്കന്, മീന്,മുട്ട, പ്രോട്ടീന് ഷെയ്ക്സ് എന്നിവ ഡയറ്റില് ഉള്പ്പെടുത്തിയിട്ടുണ്ട്. കാര്ബോഹൈഡ്രേറ്റിനായി ബ്രൗണ് റൈസ്, മധുരക്കിഴങ്, ഗോതമ്പ് ബ്രെഡ് എന്നിവ കഴിക്കും. ഗുഡ് ഫാറ്റിനായി നട്സ്, സീഡ്സ്, അവക്കാഡോ എന്നിവയും കഴിക്കും. ഇതോടൊപ്പം പച്ചക്കറികളും പഴങ്ങളും ധാരാളമായി ഡയറ്റില് ഉള്പ്പെടുത്താറുണ്ടെന്നും താരം പറയുന്നു.
