തിരുവനന്തപുരം:വി സി നിയമനത്തിലെ ഒത്തുതീര്പ്പിന് പിന്നാലെ കേരള സര്വകലാശാലയിലും ഗവര്ണറും സര്ക്കാരുമായി സമവായം. കേരള സര്വകലാശാല രജിസ്ട്രാര് ഡോ. കെ എസ് അനില്കുമാറിനെ ശാസ്താംകോട്ട ഡിബി കോളേജിലേക്ക് മാറ്റി.ഡോ. കെ എസ് അനില്കുമാറിന്റെ അഭ്യര്ത്ഥനയെ തുടര്ന്നാണ് മാറ്റം എന്നാണ് സര്ക്കാര് ഉത്തരവില് പറയുന്നത്.
സെനറ്റ് ഹാളിലെ സ്വകാര്യ ട്രസ്റ്റിന്റെ പരിപാടിയില് ഭാരതാംബ ചിത്രം വച്ചതിനെ എതിര്ത്ത് എസ് എഫ് ഐ രംഗത്തെത്തിയപ്പോള് ഡോ. കെ എസ് അനില്കുമാര് അതിനോട് യോജിച്ച് കൊണ്ട് പരിപാടിക്കുളള അനുമതി റദ്ദാക്കിയിരുന്നു.ഗവര്ണര് പങ്കെടുക്കേണ്ട പരിപാടിക്ക് അനുമതി നിഷേധിച്ചതിലൂടെ അദ്ദേഹത്തെ അനാദരിച്ചുവെന്ന് കാട്ടി വി സി ഡോ മോഹന് കുന്നുമ്മല് ഡോ. കെ എസ് അനില്കുമാറിനെ സസ്പന്ഡ് ചെയ്തു.അത് ഗവര്ണര് ഉള്പ്പടെ ശരിവെക്കുകയും ചെയ്തു.എന്നാല് ഇതംഗീകരിക്കാതെ ഇടത് ഭൂരിപക്ഷമുളള സിന്ഡിക്കേറ്റിന്റെ പിന്തുണയോടെ ഡോ അനില്കുമാര് രജിസ്ട്രാര് സ്ഥാനത്ത് തുടരുകയും ഔദ്യോഗിക വാഹനം ഉപയോഗിക്കുകയും ചെയ്തത് പിന്നീട് കോടതിയിലെത്തി.ഏതാനും മാസമായി സസ്പെന്ഷനില് തുടരുന്നതിനിടയിലാണ് ഡെപ്യൂട്ടേഷന് അവസാനിപ്പിക്കാന് സര്ക്കാര് ഉത്തരവ്.
പുതിയ ഉത്തരവോടെ പ്രിന്സിപ്പാള് ആയി തന്നെ അനില്കുമാര് തിരികെ പ്രവേശിക്കുകയാണ് ഇതോടെ രജിസ്ട്രാര് – വിസി തര്ക്കത്തില് സര്ക്കാര് മുട്ടുമടക്കുകയാണ്.
