കോട്ടയം: യുവ വനിതാ ഡോക്ടര് കുഴഞ്ഞുവീണു മരിച്ചു. പാലാ മീനച്ചില് മൂലെത്തുണ്ടി തോണക്കര സക്കറിയ ജോസഫിന്റെ മകള് ഡോ.നീനു (29) ആണ് മരിച്ചത്. കുഴഞ്ഞുവീണ ഉടനെ വീട്ടുകാര് ആശുപത്രിയില് എത്തിച്ചെങ്കിലും രക്ഷിക്കാനായില്ല. പഠനം കഴിഞ്ഞ് സ്വകാര്യ ആശുപത്രിയില് ജോലി ചെയ്തു വരികയായിരുന്നു നീനു.കോട്ടയം മെഡിക്കല് കോളജില് പോസ്റ്റുമോര്ട്ടത്തിനുശേഷം മൃതദേഹം ബന്ധുക്കള്ക്ക് വിട്ടുനല്കി. സംസ്കാരം മീനച്ചില് സെന്റ് ആന്റണീസ് പള്ളിയില്. മാതാവ് ലൈസമ്മ സക്കറിയാസ്. സഹോദരങ്ങള് നിമ്മി, നീതു.
