കൊല്ലം : പാരിപ്പള്ളിയില് അമ്മയെയും മകനെയും വീടിനുള്ളില് തൂങ്ങി മരിച്ച നിലയില് കണ്ടെത്തിയ സംഭവത്തിനു പിന്നിലെ കാരണം ദുരൂഹം. പുത്തന്കുളം കരിമ്പാലൂര് തലക്കുളം നിധിയില് പ്രേംജിയുടെ ഭാര്യ ലൈന (43), മകന് പ്രണവ് (19) എന്നിവരാണ് മരിച്ചത്. അമ്മയും മകനും മാത്രമായിരുന്നു വീട്ടില് താമസം. പ്രേംജി വിദേശത്താണ്. ഇരുവരുടെയും ഫോണ് പരിശോധിച്ചെങ്കിലും സംശയാസ്പദമായി ഒന്നും കണ്ടെത്താനായിട്ടില്ലെന്ന് പൊലീസ് പറയുന്നു. പാരിപ്പള്ളി യു.കെ.എഫ് എഞ്ചിനിയറിംഗ് കോളേജിലെ മൂന്നാം വര്ഷ വിദ്യാര്ത്ഥിയാണ് പ്രണവ്. സഹോദരന് പ്രജിത്ത് എറണാകുളത്ത് പഠിക്കുന്നു.
ഫോണില് ബന്ധപ്പെടാന് സാധിക്കാത്തതിനെ തുടര്ന്ന് ബന്ധുക്കള് എത്തി ഗേറ്റ് ചവിട്ടിത്തുറന്ന് കയറി നോക്കിയപ്പോഴാണ് ഇരുവരെയും തൂങ്ങിമരിച്ച നിലയില് കണ്ടെത്തിയത്.കട ബാധ്യതയാകാം ആത്മഹത്യക്ക് പിന്നിലെന്ന് പറയുന്നുണ്ടെങ്കിലും ഇരുവരും മാത്രം മരിക്കാനിടയായതെങ്ങിനെയെന്ന് വ്യക്തമല്ല. അസ്വഭാവിക മരണത്തിന് പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
