തിരുവനന്തപുരം: തദ്ദേശസ്വയംഭരണ തെരഞ്ഞെടുപ്പിലെ എൻഡിഎ- ബിജെപി വിജയത്തിൽ ആഹ്ളാദിച്ച് പ്രധാനമന്ത്രി നരേന്ദ്ര മോദിയും. ബിജെപിയ്ക്കും എൻഡിഎയ്ക്കും വോട്ടുചെയ്തതിന് അദ്ദേഹം കേരള ജനതയ്ക്ക് നന്ദി അറിയിച്ചു. എക്സിലൂടെയാണ് ആഹ്ളാദം പങ്കുവെച്ചത്. തിരുവനന്തപുരത്തെ നേട്ടത്തിന് മറ്റൊരു സന്ദേശത്തിലൂടെ മോദി നന്ദി പറഞ്ഞു.
”കേരളത്തിലെമ്പാടും ബിജെപിക്കും എൻഡിഎയ്ക്കും വോട്ടുചെയ്ത കേരളത്തിലെ ജനങ്ങൾക്ക് എന്റെ നന്ദി അറിയിക്കുന്നു. എൽഡിഎഫിനെയും യുഡിഎഫിനേയും കൊണ്ട് കേരള ജനത മടുത്തു. അവർ എൻഡിഎ മാത്രമാണ് എല്ലാവർക്കും അവസരം നൽകുന്ന സദ്ഭരണം നൽകാനും വികസിത കേരളം സാധ്യമാക്കാനും ഒരേയൊരു വഴിയെന്ന് അവർ കണ്ടെത്തിയിരിക്കുന്നു”വെന്ന് മോദി എക്സിൽ എഴുതി.
നന്ദി തിരുവനന്തപുരം, എന്നാണ് മറ്റൊരു സന്ദേശത്തിന്റെ തുടക്കം.
”തിരുവനന്തപുരം കോർപ്പറേഷൻ ജനവിധി കേരള രാഷ്ട്രീയത്തിൽ ബിജെപി-എൻഡിഎക്ക് ഒരു വഴിത്തിരിവാണ്. സംസ്ഥാനവികസനമെന്ന അഭിലാഷം സാധ്യമാക്കാൻ ഞനമ്മുടെ പാർട്ടിയിലൂടെ മാത്രമേ കഴിയൂ എന്ന് ജനങ്ങൾക്ക് ഉറപ്പായി. നമ്മുടെ പാർട്ടി ഉജ്ജ്വലമായൊരു നഗവ വികസനവളർച്ചയിലൂടെ ജനങ്ങൾക്ക് സമൃദ്ധ ജീവിതം ഉറപ്പാക്കാൻ പ്രവർത്തിക്കും’ മോദി സന്ദേശത്തിൽ പറഞ്ഞു.
