കൊച്ചി : നടി ആക്രമിക്കപ്പെട്ട സംഭവത്തിലെ പ്രതികള്ക്ക് നല്കിയ ശിക്ഷ മാതൃകാപരമെന്ന് ഒരിക്കലും പറയാനാകില്ലെന്ന് അതിജീവിതയുടെ അഭിഭാഷക അഡ്വ. ടിബി മിനി. അപമാനഭാരത്താല് ഹൃദയം വെന്തുനീറുകയാണ്.
ശിക്ഷ മാതൃകാപരമെന്ന് നിയമന്ത്രി പി രാജീവ് പറഞ്ഞത് കൃത്യമായി കാര്യങ്ങള് പരിശോധിക്കാതെയാണ്. കേസിന്റെ ഹിയറിംഗ് സമയത്ത് എന്താണ് പറയാനുള്ളതെന്ന് കോടതി തന്നോട് ചോദിച്ചിട്ടില്ലെന്നും തനിക്ക് ഒന്നും പറയാന് അനുവാദമുണ്ടായിരുന്നില്ലെന്നും മിനി പറഞ്ഞു. അതിലുളള പ്രതിഷേധമെന്ന നിലയിലാണ് താന് ഇന്ന് കോടതിയില് പോകാതിരുന്നതെന്നും അഡ്വ. മിനി പറഞ്ഞു.
അതിജീവിത എന്തുകൊണ്ടാണ് വനിതാ ജഡ്ജി വേണമെന്ന് ആവശ്യപ്പെട്ടതെന്ന് മനസിലാക്കാന് പോലും കോടതിയ്ക്ക് കഴിഞ്ഞില്ല. അവള് നേരിട്ടത് ഓര്ത്ത് ഹൃദയം വെന്തുനീറുന്നു- അഡ്വ. മിനി പറഞ്ഞു.
എറണാകുളം പ്രിന്സിപ്പല് സെഷന്സ് കോടതി ജഡ്ജി ഹണി വര്ഗീസാണ് കേസില് വിധി പറഞ്ഞത്.
