തിരുവനന്തപുരം: തദ്ദേശ തെരഞ്ഞെടുപ്പിന്റെ രണ്ടാം ഘട്ടത്തില് മികച്ച പോളിംഗ്. ഏറ്റവുമൊടുവില് പുറത്തുവന്ന കണക്ക് പ്രകാരം 75.85 ശതമാനമാണ് പോളിംഗ്.ഇന്ന് വോട്ടെടുപ്പ് നടന്ന ഏഴ് ജില്ലകളിലും പോളിംഗ് 70 ശതമാനം കടന്നു. ഏറ്റവും കൂടുതല് പോളിംഗ് രേഖപ്പെടുത്തിയത് വയനാടാണ്. കുറവ് തൃശൂരും.
നൂറിലേറെ ബൂത്തുകളില് യന്ത്രത്തകരാര് സംഭവിച്ചിരുന്നു. എന്നാല് ഇവ പെട്ടെന്ന് പരിഹരിച്ചു. പ്രതിസന്ധി സൃഷ്ടിക്കുന്ന രീതിയിലുള്ള അക്രമസംഭവങ്ങള് റിപ്പോര്ട്ട് ചെയ്യപ്പെട്ടിട്ടില്ല.
കഴിഞ്ഞതവണത്തെ പോളിംഗ് ശതമാനത്തിന്റെ അടുത്ത് ആണ് ഇത്തവണത്തെ പോളിംഗ് ശരാശരി. കോഴിക്കോട് തൃശൂരും കണ്ണൂരും അടക്കമുള്ള നഗര വാര്ഡുകളില് പോളിംഗ് ശതമാനം പ്രതീക്ഷിച്ച രീതിയില് ഉയര്ന്നില്ല.
