തിരുവനന്തപുരം: കേന്ദ്ര തുറമുഖ, ഷിപ്പിംഗ് മന്ത്രാലയത്തിന് കീഴിലുള്ള മറൈൻ നാവിഗേഷൻ ഉപദേശക സമിതി അംഗമായി ധീവരസഭ സംസ്ഥാന ഉപാധ്യക്ഷൻ പൂന്തുറ ശ്രീകുമാറിനെ നിയമിച്ചു. ബിജെപി സംസ്ഥാന സെക്രട്ടറി കൂടിയായ പൂന്തുറ ശ്രീകുമാറിനെ മത്സ്യത്തൊഴിലാളികളുടെ പ്രതിനിധിയായാണ് കമ്മറ്റിയിൽ നിയമിച്ചത്.
കേന്ദ്ര ഷിപ്പിംഗ് മന്ത്രാലയ സെക്രട്ടറി ചെയർമാനായ സമിതിയിൽ പാർലമെന്റ് അംഗങ്ങളായ വിവേക് താക്കൂർ, ഡോ. പർമാർ ജസ്വന്ത് സിങ്, ഷിപ്പ് ഓണേഴ്സ് അസോസിയേഷൻ, ഫിക്കി, അസോച്ചം, കണ്ടൈനർ ഷിപ്പിംഗ് അസോസിയേഷൻ, ഇന്ത്യൻ കോസ്റ്റ് ഗാർഡ്, ഇന്ത്യൻ മാരിടൈം യൂണിവേഴ്സിറ്റി പ്രതിനിധികൾ, ഷിപ്പിംഗ് മന്ത്രാലയ അഡീഷണൽ സെക്രട്ടറി, ജോയിന്റ് സെക്രട്ടറി എന്നിവരും അംഗങ്ങളാണ്.
