മട്ടാഞ്ചേരി: ലക്ഷദ്വീപ് കപ്പല് യാത്രയ്ക്കുള്ള ടിക്കറ്റ് ബുക്കിങ് കേന്ദ്രസര്ക്കാര് ഓണ്ലൈനാക്കുന്നു. ഇന്നലെ മുതല് ഓണ്ലൈന് വഴി ടിക്കറ്റുകള് ലഭ്യമായി തുടങ്ങി. 14 മുതല് കപ്പല് യാത്രയ്ക്കുള്ള ടിക്കറ്റുകള് ഓണ്ലൈന് ബുക്കിങ്ങിലൂടെ മാത്രമാകും ലഭിക്കുക. യാത്രക്കാരന് നേരിട്ട് ടിക്കറ്റ് ലഭിക്കുക, കരിഞ്ചന്ത ഒഴിവാക്കുക, യാത്രക്കാര്ക്ക് കൃത്യമായ വിവരങ്ങള് ലഭിക്കുക, മികച്ച സേവനം ഉറപ്പാക്കുക തുടങ്ങി ഒട്ടേറെ ഗുണങ്ങളുമായാണ് ഓണ്ലൈന് ടിക്കറ്റ് സംവിധാനം ഏര്പ്പെടുത്തുന്നത്.
www.lakshadweeplrctc.co.in എന്ന വെബ് സൈറ്റിലൂടെയും ഐആര്സിടിസിയുടെ ‘സെയില് ടു ലക്ഷദ്വീപ്’ ആപ്പിലൂടെയുമാണ് ടിക്കറ്റ് ബുക്കിങ് നടക്കുക. യുപിഐ അടക്കമുള്ള പെയ്മെന്റ് സംവിധാനത്തിലുടെ ടിക്കറ്റ് നിരക്ക് അടയ്ക്കാം. കാര്ഗോ ബുക്കിങ്ങില് നിലവിലെ രീതി തുടരും. ലക്ഷദ്വീപിലെ പത്ത് ജനവാസ ദ്വീപുകളിലേയും കൊച്ചി, മംഗലാപുരം കേന്ദ്രങ്ങളില് നിന്നുള്ള കപ്പലുകളിലെ യാത്രയ്ക്കുള്ള ടിക്കറ്റ് ഇതിലൂടെ ബുക്ക് ചെയ്യാം.
കൊച്ചിയില് നിന്ന് ഏഴും മംഗലാപുരത്ത് നിന്ന് ഒരു കപ്പലുമാണ് ദ്വീപിലേക്ക് സര്വീസ് നടത്തുന്നത്. നിലവിലെ ഇ- ടിക്കറ്റ് ഏറെ പ്രതിഷേധങ്ങള്ക്കിടയാക്കിയിരുന്നു. ദ്വീപ്
വാസികള്ക്കും വിനോദ സഞ്ചാരികള്ക്കും ഓണ്ലൈന് ടിക്കറ്റ് ബുക്കിങ് നടത്താം. ദ്വീപ്യാത്ര ടിക്കറ്റ് ബുക്കിങ് പിഴവുകള് ഒഴിവാക്കി ദ്വീപ് നിവാസികളുടെയും വിനോദസഞ്ചാരികളുടെയും ദുരിതത്തിനാണ് കേന്ദ്ര സര്ക്കാര് ഇതോടെ അറുതി വരുത്തിയിരിക്കുന്നത്.
