ബംഗളുരു: ശ്രീരംഗപട്ടണത്ത് ജാമിയ മസ്ജിദ് സ്ഥിതി ചെയ്യുന്ന സ്ഥലത്ത് ഹനുമാന് ക്ഷേത്രം പുനര്നിര്മ്മിക്കുമെന്ന് ഹിന്ദു ജാഗരണ് വേദികെ ഡിവിഷണല് കോര്ഡിനേറ്റര് ലോഹിത് രാജ് ഉര്സ്.ജാമിയ മസ്ജിദ് സ്ഥിതി ചെയ്യുന്ന സ്ഥലത്ത് നേരത്തേ ഹനുമാന് ക്ഷേത്രം ഉണ്ടായിരുന്നത് ഓര്മ്മപ്പെടുത്തിയാണ് അദ്ദേഹത്തിന്റെ പ്രഖ്യാപനം.
ഹിന്ദു ജാഗരണ് വേദികെ മുദാല ദര്ഗവ ഹനുമാന് മാലധാരികളുടെ സങ്കീര്ത്തന യാത്രയിലാണ് ലോഹിത് രാജ് ഉര്സ് ഇക്കാര്യം പറഞ്ഞത്. യാത്ര ജാമിയ മസ്ജിദിന് സമീപം സിറ്റി മുന്സിപ്പല് കൗണ്സിലില് എത്തിയപ്പോള് യാത്രയില് പങ്കെടുത്ത ഭക്തര് നാളികേരം ഉടയ്ക്കുകയും കര്പ്പൂരം കത്തിക്കുകയും പൂജ നടത്തുകയും ചെയ്തു.തുടര്ന്ന് റോഡിലിരുന്ന് ഹനുമാനെയും ശ്രീരാമനെയും സ്തുതിച്ച് ഭജന നടത്തി.
ഗഞ്ജമിലെ ആഞ്ജനേയസ്വാമി ക്ഷേത്രത്തില് നിന്ന് മൂദലബഗിലു ആഞ്ജനേയസ്വാമി ക്ഷേത്രത്തിലേക്കാണ് സങ്കീര്ത്തന യാത്ര നടത്തിയത്. യാത്ര കടന്നു പോയ വഴികളില് ഭക്തര് ജയ് ശ്രീറാം, ജയ് ഹനുമാന് വിളികള് മുഴക്കി.
ജ്യോതിഷി വി. ഭാനുപ്രകാശ് ശര്മ്മയാണ് യാത്ര ഫ്ലാഗ് ഓഫ് ചെയ്തത്, ശക്തമായ സുരക്ഷയിലാണ് പ്രധാന വഴികളിലൂടെ സങ്കീര്ത്തന യാത്ര നീങ്ങിയത്. ടിപ്പു സുല്ത്താന്റെ ഭരണകാലത്ത് ഹിന്ദു സമൂഹത്തിന് നേരിടേണ്ടിവന്ന ചരിത്രപരമായ അനീതിയെ ഉയര്ത്തിക്കാട്ടിയാണ് ഹിന്ദു ജാഗരണ് വേദികെ ഡിവിഷണല് കോര്ഡിനേറ്റര് ലോഹിത് രാജ് ഉര്സ് സമ്മേളനത്തെ അഭിസംബോധന ചെയ്തത്.’ജാമിയ മസ്ജിദ് സ്ഥിതി ചെയ്യുന്ന സ്ഥലത്ത് ഹനുമാന് ക്ഷേത്രം ഉണ്ടായിരുന്നു എന്നത് സത്യമാണ്. ഞങ്ങള് ആ ക്ഷേത്രം പുനര്നിര്മിക്കുകയും ഹനുമാനെ വീണ്ടും പ്രതിഷ്ഠിക്കുകയും ചെയ്യും,’ ഉര്സ് പ്രഖ്യാപിച്ചു.
ടിപ്പു സുല്ത്താന്റെ ദുര്ഭരണത്തെയും മൗലികവാദ നയങ്ങളെയും ചരിത്രരേഖകള് അടിവരയിടുന്നുണ്ട്. 1786-ല്, മൈസൂര് പ്രദേശങ്ങളിലെ ഏറ്റവും സ്വാധീനമുള്ള ഭരണാധികാരിയായിരുന്നു ടിപ്പു സുല്ത്താന്. അധികാരം ഏറ്റെടുത്ത് വെറും അഞ്ച് വര്ഷത്തിനുള്ളില്, ടിപ്പു സുല്ത്താന് ഹനുമാന് ക്ഷേത്രത്തിന്റെ സ്ഥാനത്ത് ജാമിയ മസ്ജിദ് നിര്മ്മിച്ചു.1935-ലെ ആര്ക്കിയോളജിക്കല് സര്വേ ഓഫ് ഇന്ത്യയുടെ (ASI) റിപ്പോര്ട്ട് സൂചിപ്പിക്കുന്നത്,ചെറുപ്പകാലത്ത് ഒരു ഫക്കീറിന്റെ സ്വാധീനത്തില് ടിപ്പു, ഹനുമാന് ക്ഷേത്രം നീക്കം ചെയ്യുകയും അവിടെ മസ്ജിദ് പണിയുകയും ചെയ്തു എന്നാണ്.
ചെറുതായിരുന്നെങ്കിലും ഹനുമാന് ക്ഷേത്രത്തിന് പ്രാദേശികമായി വലിയ പ്രാധാന്യമുണ്ടായിരുന്നു. ടിപ്പുവിന്റെ ഹൈന്ദവരോടുളള അസഹിഷ്ണുതയാണ് അദ്ദേഹത്തിന്റെ ഈ പ്രവര്ത്തി പ്രതിഫലിപ്പിക്കുന്നത്.
ക്ഷേത്രം നിലനിന്നയിടത്ത് നിര്മ്മിച്ച ജാമിയ മസ്ജിദ് പിന്നീട് ചരിത്ര സ്മാരകമായി മാറി. 1799-ല് ടിപ്പു സുല്ത്താനെ പരാജയപ്പെടുത്തിയതിനുശേഷം ബ്രിട്ടീഷുകാര് ശ്രീരംഗപട്ടണത്തില് സംരക്ഷിച്ച രണ്ട് നിര്മ്മിതികളില് ഒന്നാണ് ഇത്. മറ്റൊന്ന് അദ്ദേഹത്തിന്റെ വേനല്ക്കാല കൊട്ടാരമായ ഡാരിയ ദൗലത്ത് ബാഗ് ആയിരുന്നു. വാസ്തുവിദ്യാ പ്രാധാന്യമുണ്ടെങ്കിലും മതപരമായ അസഹിഷ്ണുതയുടെയും ടിപ്പു സുല്ത്താന്റെ ഭരണത്തിന്റെ അടിച്ചമര്ത്തല് നയങ്ങളുടെയും ഉദാഹരണമാണ് ഈ പള്ളി .
