ന്യൂദല്ഹി: ഇന്ത്യയും റഷ്യയും തമ്മിലുള്ള വ്യാപാരബന്ധം പതിനായിരം കോടി ഡോളര് ആക്കി ഉയര്ത്താന് 2030 ആകേണ്ടതില്ലെന്നും അതിന് മുന്പ് തന്നെ ഈ ലക്ഷ്യം കൈവരിക്കാനാകുമെന്നും മോദി. ഇപ്പോള് ഇന്ത്യ റഷ്യ വ്യാപാരത്തിലെ അസന്തുലിതാവസ്ഥ പരിഹരിക്കുമെന്നും ഇന്ത്യയില് നിന്നും കൂടുതല് ഉല്പന്നങ്ങള് റഷ്യയിലേക്ക് കയറ്റുമതി ചെയ്യാന് അവസരമൊരുക്കുമെന്നും പുടിന്. ഇന്ത്യ-റഷ്യ ബിസിനസ് ഫോറത്തില് സംസാരിക്കുകയായിരുന്നു മോദി.
കഴിഞ്ഞ വര്ഷം ഇന്ത്യയും റഷ്യയും തമ്മില് 6400 കോടി ഡോളറിന്റെ വ്യാപാരമാണ് നടന്നത്. വൈകാതെ ഇത് 10000 കോടി ഡോളറില് എത്തിക്കാന് ശ്രമിക്കും.
“ഇന്ത്യയും റഷ്യയും തമ്മിലുള്ള ഉഭയകക്ഷി വ്യാപാരബന്ധം 10000 കോടി ഡോളറിന്റേതാക്കി 2030ഓടെ ഉയര്ത്തുമെന്ന് പുടിന് കഴിഞ്ഞ വര്ഷം പറഞ്ഞിരുന്നു. പക്ഷെ ഇന്ത്യയും റഷ്യയും തമ്മില് നല്ല വ്യാപാരസാധ്യത ഉണ്ട്. അതിനാല് ഈ ലക്ഷ്യം 2030ന് മുന്പേ കൈവരിക്കാന് സാധിക്കും. ഈ ലക്ഷ്യത്തിലേക്ക് അതിവേഗം നമ്മള് കുതിച്ചുകൊണ്ടിരിക്കുകയാണ്.” – മോദി പറഞ്ഞു.
2030ല് പതിനായിരം കോടി ഡോളര് വ്യാപാരലക്ഷ്യം കൈവരിക്കുമെന്ന ധാരണ റഷ്യന് പ്രസിഡന്റ് വ്ളാഡിമിര് പുടിനും മോദിയും ഒരിയ്ക്കല് കൂടി ഉറപ്പിച്ചു.
പുടിന് വെള്ളിയാഴ്ച രാഷ്ട്രപതി ഭവനില് എത്തി. ഇനി വൈകാതെ ഇന്ത്യ റഷ്യ വാര്ഷിക ഉച്ചകോടി നടക്കും.
