ആലപ്പുഴ:ശുചിമുറിയില് വീണ് പരിക്കേറ്റ് ചികിത്സയിലുളള മുന്മന്ത്രിയും മുതിര്ന്ന സിപിഎം നേതാവുമായ ജി.സുധാകരനെ മുഖ്യമന്ത്രി പിണറായി വിജയന് സന്ദര്ശിച്ചു.ആലപ്പുഴ പറവൂരിലെ വീട്ടിലെത്തിയായിരുന്നു മുഖ്യമന്ത്രി ജി.സുധാകരനെ കണ്ടത്.
കാലിന് പരിക്കേറ്റ് വിശ്രമത്തിലാണ് ജി.സുധാകരന്. സിപിഎം ആലപ്പുഴ ജില്ലാ സെക്രട്ടറി ആര്.നാസര്, എച്ച്.സലാം എംഎല്എ തുടങ്ങിയ നേതാക്കളും മുഖ്യമന്ത്രിക്ക് ഒപ്പം ഉണ്ടായിരുന്നു. കൊല്ലത്തെ പരിപാടി കഴിഞ്ഞ് എറണാകുളത്തേക്ക് പോകും വഴിയാണ് മുഖ്യമന്ത്രി സുധാകരനെ സന്ദര്ശിച്ചത്.
ജി സുധാകരനെ സന്ദര്ശിക്കുന്ന ചിത്രം മുഖ്യമന്ത്രി ഫേസ്ബുക്കില് പങ്കുവെച്ചിട്ടുണ്ട്. കഴിഞ്ഞ മാസമാണ് ജി.സുധാകരന് വീണ് പരിക്കേറ്റത്.
