തിരുവനന്തപുരം: കേരള സര്വകലാശാലയില് ബി എസ് സി ബോട്ടണി പരീക്ഷയ്ക്ക് നല്കിയ ചോദ്യപേപ്പര് തൊട്ടു മുന് വര്ഷത്തെത് ആവര്ത്തിച്ചതിനെ തുടര്ന്ന് പരീക്ഷ റദ്ദാക്കി.ജനുവരി 13 ന് വീണ്ടും പരീക്ഷ നടത്തും.ഗുരുതര വീഴ്ചവരുത്തിയ അധ്യാപികയെ ചോദ്യപേപ്പര് തയാറാക്കുന്ന ചുമതലയില് നിന്ന് മാറ്റി.
ബി എസ് സി ബോട്ടണിയിലെ അഞ്ചാം സെമസ്റ്റര് പരീക്ഷയിലാണ് മുന്വര്ഷത്തെ ചോദ്യപേപ്പര് ആവര്ത്തിച്ചത്.കഴിഞ്ഞ ദിവസം പരീക്ഷ എഴുതാന് എത്തിയ വിദ്യാര്ഥികള്ക്കാണ് ഈ അനുഭവം ഉണ്ടായത്.
എന്വയണ്മെന്റല് സ്റ്റഡീസ് എന്ന വിഷയത്തിലാണ് 2024ഡിസംബറിലെ ചോദ്യപേപ്പറിലെ 35 ചോദ്യങ്ങളും അതേപടി ആവര്ത്തിച്ചത്.പരിശോധിച്ചതിനുശേഷം തുടര്നടപടികള് ഉണ്ടാകുമെന്ന് സര്വകലാശാല പരീക്ഷ കണ്ട്രോളര് അറിയിച്ചു.
കഴിഞ്ഞ ദിവസം കാലിക്കറ്റ് സര്വകലാശാലയിലും മുന്വര്ഷത്തെ ചോദ്യപേപ്പര് അതേപടി ആവര്ത്തിച്ചിരുന്നു. നാലാം വര്ഷ സൈക്കോളജി ചോദ്യപേപ്പറാണ് ഇവിടെ ആവര്ത്തിച്ചത്.
