തിരുവനന്തപുരം: പീഡനക്കേസിൽ കഴിഞ്ഞ എട്ടുദിവസമായി ഒളിവിൽ കഴിയുന്ന പാലക്കാട് എം. എൽ. എ രാഹുൽ മാങ്കൂട്ടത്തിലിന്റെ കാർ ഡ്രൈവർ കസ്റ്റഡിയിൽ. രാഹുലിനെ ബംഗളുരുവിൽ എത്തിച്ചത് ഇയാളാണ്. അതേ സമയം രാഹുലിന്റെ മുൻകൂർ ജാമ്യാപേക്ഷയിൽ കോടതി അൽപസമയത്തിനകം വിധി പറയും.
കസ്റ്റഡിയിലായ ഡ്രൈവറെ ചോദ്യം ചെയ്തപ്പോൾ ലഭിച്ച സ്ഥലം കേന്ദ്രീകരിച്ച് പോലീസ് പരിശോധന നടത്തിയെങ്കിലും രാഹുൽ അവിടെ നിന്നും മുങ്ങിയിരുന്നു.
ഏത് ദിവസമാണ് രാഹുലിനെ എത്തിച്ചതെന്നോ മറ്റ് വിവരങ്ങളോ ഒന്നു തന്നെ ലഭ്യമല്ല. രാഹുലിനെ പിടികൂടാനാവാത്തതിൽ അന്വേഷണ സംഘത്തിന് സമ്മർദം ഏറുകയാണ്. സേനയിൽ നിന്നും വിവരങ്ങൾ ചോരുന്നുണ്ടോ എന്ന കാര്യത്തിൽ സംശയങ്ങൾ ശക്തമായിട്ടുണ്ട്.
ബംഗളൂരു കേന്ദ്രീകരിച്ചാണ് പോലീസ് തെരച്ചിൽ ശക്തമാക്കിയിരിക്കുന്നത്.
