ഇസ്ലാമബാദ് : അസിം മുനീര് അപകടകാരിയാണെന്നും ഇന്ത്യയുമായി യുദ്ധമുണ്ടാക്കാന് താല്പര്യപ്പെടുന്നുവെന്ന വെളിപ്പെടുത്തലുമായി ഇമ്രാന് ഖാന്റെ സഹോദരി അലീമ ഖാന്. പാകിസ്ഥാനിലെ ആദിയാല ജയിലില് കഴിയുന്ന ഇമ്രാന്ഖാന്റെ മൂന്ന് സഹോദരിമാരില് ഒരാളാണ് അലീമ ഖാന്.
ഒരു മതമൗലികവാദിയായ ഇസ്ലാമിസ്റ്റെന്നും കടുത്ത യാഥാസ്ഥിതിക ചിന്താഗതിയുള്ള ഇസ്ലാമിസ്റ്റെന്നും ആണ് അസിംമുനീറിനെ അലീമ ഖാന് വിശേഷിച്ചത്. അതുകൊണ്ടാണ് അസിം മുനീര് ഇന്ത്യയുമായി യുദ്ധം ചെയ്യാന് ആഗ്രഹിക്കുന്നതെന്നും അലീമ ഖാന് പറഞ്ഞു. സ്കൈ ന്യൂസില് സംസാരിക്കുകയായിരുന്നു അലീമ ഖാന്. ഈയിടെ ഉണ്ടായ ഇന്ത്യാ പാക് യുദ്ധത്തെക്കുറിച്ച് ചോദിച്ചപ്പോഴാണ് അലീമാ ഖാന് ഇക്കാര്യങ്ങള് പറഞ്ഞത്.
കടുത്ത മതമൗലിക ചിന്തയും ഇസ്ലാമിക യാഥാസ്ഥിതികത്വവും ഉള്ളതിനാലാണ് ഇസ്ലാമിക രാജ്യമല്ലാത്ത ഇന്ത്യയോട് അസിം മുനീര് വീണ്ടും യുദ്ധത്തിനൊരുമ്പെടുന്നത്. – അലീമ ഖാന് പറഞ്ഞു.
