ന്യൂദൽഹി: വരാനിരിക്കുന്ന സംസ്ഥാന തെരഞ്ഞെടുപ്പിൽ പശ്ചിമ ബംഗാളിൽ വിജയം ഉറപ്പാക്കാനുള്ള ശ്രമങ്ങൾ ഊർജിതമാക്കണമെന്ന് പ്രധാനമന്ത്രി നരേന്ദ്ര മോദി. പശ്ചിമ ബംഗാളിൽ നിന്നുള്ള ബിജെപി എംപിമാരുമായി നടത്തിയ കൂടിക്കാഴ്ചയിലാണ് ഇക്കാര്യം മോദി ആവശ്യപ്പെട്ടത്. സംസ്ഥാനത്ത് പാർട്ടി ഗണ്യമായ പുരോഗതി കൈവരിച്ചിട്ടുണ്ടെങ്കിലും, നിലവിലുള്ള സർക്കാരിനെതിരായ പോരാട്ടം ദൃഢനിശ്ചയത്തോടെയും ശ്രദ്ധയോടെയും തുടരണമെന്ന് പ്രധാനമന്ത്രി പറഞ്ഞു.
“നമ്മൾ കഠിനാധ്വാനം ചെയ്ത് ബംഗാളിൽ ഈ തിരഞ്ഞെടുപ്പിൽ വിജയം ഉറപ്പാക്കണം. നിങ്ങളെല്ലാം ഗണ്യമായ പുരോഗതി കൈവരിച്ചു, ഈ സർക്കാരിനെതിരായ പോരാട്ടം തുടരണം,” പ്രധാനമന്ത്രി മോദി പറഞ്ഞു. സർക്കാരിന്റെ ക്ഷേമ സംരംഭങ്ങൾ ഫലപ്രദമായി ജനങ്ങളിലേക്ക് എത്തുന്നുണ്ടെന്ന് ഉറപ്പാക്കാൻ കേന്ദ്ര സർക്കാരിന്റെ പദ്ധതികളുടെ ഗുണഭോക്താക്കളുമായി പതിവായി ബന്ധം പുലർത്താനും അദ്ദേഹം എംപിമാരോട് നിർദ്ദേശിച്ചു. എസ്ഐആർ പ്രക്രിയ “ശുദ്ധീകരണ”ത്തിന്റെ ഒരു അനിവാര്യ ഘട്ടമാണെന്നും അദ്ദേഹം പറഞ്ഞു.
കേന്ദ്ര സർക്കാരിന്റെ പ്രവർത്തനങ്ങൾ പൊതുജനങ്ങളെ അറിയിക്കുന്നതിന് സോഷ്യൽ മീഡിയ പ്ലാറ്റ്ഫോമുകൾ ഉപയോഗിക്കേണ്ടതിന്റെ പ്രാധാന്യം പ്രധാനമന്ത്രി ഊന്നിപ്പറഞ്ഞു. അവബോധം വർദ്ധിപ്പിക്കുന്നതിനും നേട്ടങ്ങൾ ഉയർത്തിക്കാട്ടുന്നതിനും ഈ ചാനലുകൾ പ്രയോജനപ്പെടുത്താൻ എംപിമാരോട് പ്രധാനമന്ത്രി ആവശ്യപ്പെട്ടു.
