കണ്ണൂര്: കണ്ണൂര് സെന്ട്രല് ജയിലില് റിമാന്ഡില് കഴിയുന്ന പ്രതി ജീവനൊടുക്കി. വയനാട് കേണിച്ചിറ സ്വദേശി ജില്സണ് ആണ് മരിച്ചത്. അഞ്ച് മാസമായി കണ്ണൂര് സെന്ട്രല് ജയിലില് റിമാന്ഡ് പ്രതിയായിരുന്നു ഇയാള്. കത്തികൊണ്ട് കഴുത്തറുത്ത് മരിച്ച നിലയിലാണ് പ്രതിയെ കണ്ടെത്തിയത്. ഇന്നലെ രാത്രി ഉറങ്ങാന് കിടന്ന ശേഷം പുതപ്പിട്ട് മൂടി കഴുത്തില് കത്തികൊണ്ട് കുത്തി പരിക്കേല്പ്പിക്കുകയായിരുന്നു. ചോരവാര്ന്ന് കിടക്കുന്നത് കണ്ടപ്പോഴാണ് ആശുപത്രിയില് എത്തിച്ചത്. എന്നാല് ഇയാള് മരിക്കുകയായിരുന്നു.
കഴിഞ്ഞ ഏപ്രില് 14നാണ് ഭാര്യയെ കൊലപ്പെടുത്തിയ കേസില് ജിന്സണ് പ്രതിയാകുന്നത്. ഭാര്യയെ കൊലപ്പെടുത്തിയ ശേഷം ആത്മഹത്യയ്ക്ക് ശ്രമിക്കുകയായിരുന്നു. തൂങ്ങിമരിക്കാന് ശ്രമിക്കവെ കയറുപൊട്ടി വീഴുകയായിരുന്നു. തുടര്ന്ന് നാട്ടുകാര് ആശുപത്രിയില് എത്തിക്കുകയായിരുന്നു. ഇയാള് മുന്പും ആത്മഹത്യാശ്രമം നടത്തിയിരുന്നുവെന്നാണ് ജയില് അധികൃതര് പറയുന്നത്. കൗണ്സിലിങ് അടക്കം നല്കിയിരുന്നവെന്നും പോലീസ് പറഞ്ഞു.
