ന്യൂദല്ഹി: ബ്രഹ്മോസ് മിസൈലിന്റെ വേഗതയും കൃത്യതയും പ്രഹരശേഷിയും കിറുകൃത്യമാണെന്ന് ഒരിയ്ക്കല് കൂടി സൈന്യം ഉറപ്പിച്ചു. ഡിസംബര് ഒന്ന് തിങ്കളാഴ്ച ഇന്ത്യന് സേനയുടെ സതേണ് കമാന്റ് ബംഗാള് ഉള്ക്കടലിന് കുറുകെ നടത്തിയ ബ്രഹ്മോസ് പരീക്ഷണം നൂറ് ശതമാനം വിജയം. കൃത്യമായി ബ്രഹ്മോസ് ലക്ഷ്യം ഭേദിച്ചു. ഇതോടെ ബ്രഹ്മോസിന്റെ കണ്ട്രോള് സിസ്റ്റവും ഗൈഡന്സും കൃത്യമായി പ്രവര്ത്തിക്കുന്നു എന്നതിന്റെ ദൃഷ്ടാന്തമായിരുന്നു ഇത്. പാകിസ്ഥാനെതിരെ ഒരു ഓപ്പറേഷന് സിന്ദൂര് രണ്ടിന് ഇന്ത്യ തയ്യാറാണെന്നുള്ളതിന്റെ വിളംബരം കൂടിയായി ഈ ബ്രഹ്മോസ് ദീര്ഘദൂര സൂപ്പര് സോണിക് ക്രൂസ് മിസൈലിന്റെ പരീക്ഷണം.
BrahMos – Combat Launch
The #IndianArmy’s #BrahMos roared across the Bay of Bengal in a combat launch, showcasing unmatched precision, speed and destructive prowess. The missile hit it’s designated target with pinpoint accuracy, reaffirming India’s ability to deliver decisive… pic.twitter.com/DSO0OL4krV
— Southern Command INDIAN ARMY (@IaSouthern) December 1, 2025
ശത്രുക്കളുടെ റഡാറുകള്ക്ക് പിടിക്കാന് കഴിയാത്ത വേഗതയില് ബ്രഹ്മോസ് കുതിച്ചു. ഇന്ത്യന് സേനയുടെ ദീര്ഘദൂര ആഘാതശേഷി ശക്തിപ്പെടുത്തുന്നതില് ഒരു പ്രധാനചുവടുവെയ്പാണ് ഈ പരീക്ഷണമെന്ന് സതേണ് കമാന്റ് മേധാവി ലഫ്. ജനറല് ധീരജ് സേഥ് പറഞ്ഞു. ഈ ബ്രഹ്മോസ് പരീക്ഷണത്തില് സതേണ് കമാന്റിനൊപ്പം ആന്ഡമാന് ആന്റ് നിക്കോബര് കമാന്റും സഹകരിച്ചു.
പ്രതിരോധരംഗത്തെ ഇന്ത്യയുടെ ആത്മനിര്ഭരതയ്ക്കുള്ള തെളിവായി തിങ്കളാഴ്ച നടത്തിയ ഈ പരീക്ഷണം. ഇന്ത്യയുടെ തദ്ദേശീയ മിസൈല് സംവിധാനത്തിന്റെ വിശ്വാസ്യതയും ഈ പരീക്ഷണത്തില് ഒരിയ്ക്കല് കൂടി തെളിയിക്കപ്പെട്ടു. ഏത് സമയത്തും ഒരു യുദ്ധത്തിന് ഇന്ത്യയുടെ ബ്രഹ്മോസ് തയ്യാറാണെന്നുള്ളതിന്റെ സൂചന പാകിസ്ഥാനും മറ്റ് ശത്രുരാജ്യങ്ങള്ക്കുന്ന നല്കുന്നത് കൂടിയായിരുന്നു ഈ ബ്രഹ്മോസ് പരീക്ഷണം.
