മൂവാറ്റുപുഴ : വൃദ്ധയുടെ മാല പൊട്ടിച്ച കേസിൽ നിരവധി കേസുകളിൽ പ്രതികളായ രണ്ട് പേർ അറസ്റ്റിൽ. ഐരാപുരം മഴുവന്നൂർ മംഗലത്തു നട വാരിക്കാട്ട് വീട്ടിൽ ഷിജു ( പങ്കൻ ഷിജു 44), കോട്ടപ്പടി പരുത്തേലി വീട്ടിൽ രാജൻ 46) എന്നിവരെയാണ് കൂത്താട്ടുകുളം പോലീസ് അറസ്റ്റ് ചെയ്തത്. കഴിഞ്ഞ 14 ന് വൈകീട്ട് 7ന് കിഴക്കൊമ്പ് പഴയ ഷാപ്പുംപടിയ്ക്കടുത്താണ് സംഭവം.
വീടിന്റെ വർക്ക് ഏരിയായിൽ അതിക്രമിച്ച് കയറി ബലപ്രയോഗത്തിലൂടെ വൃദ്ധയുടെ ഒരു പവനോളം തൂക്കം വരുന്ന സ്വർണ്ണമാല പൊട്ടിച്ചെടുത്ത് കടന്നു കളയുകയായിരുന്നു. ഒന്നാം പ്രതി വിവിധ സ്റ്റേഷനുകളിലായി 16 കേസിൽ ഉൾപ്പെട്ടയാളാണ്. രണ്ടാം പ്രതിക്ക് പെരുമ്പാവൂർ സ്റ്റേഷനിൽ കേസുണ്ട്.
പുത്തൻകുരിശ് ഡി വൈ എസ് പി വി.ടി ഷാജന്റെ മേൽനോട്ടത്തിൽ ഇൻസ്പെക്ടർ സഞ്ജു ജോസഫ്, എസ്.ഐമാരായ രഞ്ജുമോൾ, ബിജു ജോർജ്ജ്, ശാന്തകുമാർ എ.എസ്.ഐമാരായ സുരേഷ്, സി.വി ജോസ്, ബിനു രാമൻ, സി.പി .ഒ മാരായ മനോജ്, കൃഷ്ണചന്ദ്രൻ, എന്നിവരാണ് അന്വേഷണ സംഘത്തിലുണ്ടായിരുന്നത്.
