കൊച്ചി : കലൂര് സ്റ്റേഡിയം നവീകരണത്തിന് സ്പോണ്സര്ക്ക് സമയം നീട്ടി നല്കി.ഈ മാസം 20-ാം തീയതിവരെയാണ് ജി.സി.ഡി.എ സമയം നീട്ടി നല്കിയത്. ഏറ്റെടുത്ത നവീകരണ പ്രവര്ത്തനങ്ങള് പൂര്ത്തിയാക്കാതെയാണ് സ്പോണ്സര് സ്റ്റേഡിയം ജി.സി.ഡി.എക്ക് തിരികെ കൈമാറിയത്.
അര്ജന്റീന ടീമിന്റെ കളിക്കായി നവീകരണം നടത്താന് സെപ്തംബര് 26 വിട്ടു നല്കിയ കലൂര് സ്റ്റേഡിയം ഇന്നലെയാണ് സ്പോണ്സര് ജി.സി.ഡി.എക്ക് തിരികെ നല്കിയത്. സ്റ്റേഡിയത്തില് 70 കോടി രൂപയുടെ നിര്മാണ പ്രവര്ത്തനങ്ങള് നടത്തുമെന്നാണ് സ്പോണ്സര് പ്രഖ്യാപിച്ചത്.എന്നാല് നിശ്ചയിച്ച സമയത്ത് നിര്മാണ പ്രവര്ത്തനങ്ങള് പൂര്ത്തിയായില്ല.ഇതാണ് സ്പോണ്സര്ക്ക് കൂടുതല് സമയം നല്കാന് കാരണം.
സ്റ്റേഡിയം ചുറ്റുമതില്, പ്രവേശന കവാടം, വിവിഐപി സീറ്റിംഗ് ഏരിയ, ലൈറ്റ് സംവിധാനം എന്നിങ്ങനെ പ്രധാന ജോലികള് ഇനിയും ബാക്കിയുണ്ട്. ഈ ജോലികള് ഈ മാസം 20നുള്ളില് സ്പോണ്സര് പൂര്ത്തിയാക്കും എന്നാണ് ജി.സി.ഡി.എ പറയുന്നത്. സ്പോണ്സര് പ്രഖ്യാപിച്ച നവീകരണത്തില് ടര്ഫ് ജോലികള് മാത്രമാണ് പൂര്ത്തിയായത്.
