പട്ന: ജാമിയത്ത് ഉലമ-ഇ-ഹിന്ദ് മേധാവി മൗലാന മഹ്മൂദ് മദനിയുടെ “ജിഹാദ്” സംബന്ധിച്ച പ്രസ്താവനയ്ക്ക് ശക്തമായ മറുപടി നൽകി ബിഹാറിലെ ബിജെപി പ്രസിഡന്റും സംസ്ഥാന സർക്കാരിലെ മന്ത്രിയുമായ ദിലീപ് കുമാർ ജയ്സ്വാൾ. ഇന്ത്യ സമാധാനത്തിന്റെയും സാഹോദര്യത്തിന്റെയും രാജ്യമാണെന്നും മഹ്മൂദ് മദനിയുടെ ഭാഷ രാജ്യം സഹിക്കില്ലെന്നും അദ്ദേഹം പറഞ്ഞു.
ഇത്തരം ഭാഷ ഉപയോഗിക്കുന്നവർക്ക് ഭരണഘടനയിലും ജനാധിപത്യത്തിലും വിശ്വാസമുണ്ടായിരിക്കില്ല. ഇന്ത്യ സമാധാനത്തിന്റെയും സാഹോദര്യത്തിന്റെയും രാജ്യമാണ്. പ്രത്യേകിച്ച് ഇത്തരം ഭാഷ ഉപയോഗിക്കുന്നവരെ ഇന്ത്യ സഹിക്കില്ലെന്നുമാണ് ദിലീപ് കുമാർ ജയ്സ്വാൾ പറഞ്ഞത്.
നേരത്തെ മൗലാന മഹ്മൂദ് മദനി “ജിഹാദ്” എന്ന വാക്ക് ഉപയോഗിച്ച് ആക്ഷേപകരമായ പ്രസ്താവന നടത്തി. ശനിയാഴ്ച ഭോപ്പാലിൽ നടന്ന മാനേജ്മെന്റ് കമ്മിറ്റി യോഗത്തിൽ നടത്തിയ പ്രസ്താവനയിൽ രാജ്യത്തെ നിലവിലെ സാഹചര്യം വളരെ സെൻസിറ്റീവും ആശങ്കാജനകവുമാണെന്ന് മദനി വിശേഷിപ്പിച്ചു. ഒരു പ്രത്യേക സമൂഹത്തെയാണ് ലക്ഷ്യമിടുന്നതെന്ന് അദ്ദേഹം ആരോപിച്ചു. ഈ സാഹചര്യത്തിൽ അടിച്ചമർത്തൽ ഉണ്ടാകുമ്പോഴെല്ലാം ജിഹാദ് ഉണ്ടാകുമെന്ന് മൗലാന പറഞ്ഞു. മദനിയുടെ ഈ പ്രസ്താവനയെ ബിജെപി അടക്കമുള്ള പാർട്ടികൾ നിശിതമായാണ് വിമർശിച്ചത്.
അതേസമയം പ്രധാനമന്ത്രി മോദിയുടെ ‘മൻ കി ബാത്ത്’ പരിപാടി മെ ജയ്സ്വാൾ പ്രശംസിച്ചു. പ്രധാനമന്ത്രി നരേന്ദ്ര മോദി ലോകത്തിലെ ഏറ്റവും ജനപ്രിയ നേതാവാണ്. ‘മൻ കി ബാത്തിൽ’ അദ്ദേഹം ഇന്ത്യയുടെ പുരോഗതി ഇന്ത്യയിലെ ജനങ്ങളുമായി പങ്കിടുന്നു. അതിൽ നിന്ന് നമുക്ക് ധാരാളം കാര്യങ്ങൾ പഠിക്കാൻ കഴിയും. ‘മൻ കി ബാത്തിന്റെ’ ഓരോ എപ്പിസോഡും യുവാക്കളെ പ്രചോദിപ്പിക്കുകയും കർഷകർക്ക് അഭിവൃദ്ധി നൽകുകയും ഇന്ത്യയിലെ ഗ്രാമങ്ങളിലെയും വിദൂര, പിന്നാക്ക പ്രദേശങ്ങളിലെയും ആളുകളുടെ കഴിവുകളും നേട്ടങ്ങളും എടുത്തുകാണിക്കുകയും ചെയ്യുന്നു. ‘മൻ കി ബാത്തിൽ’ നിന്ന് നമുക്ക് ധാരാളം പ്രചോദനം ലഭിക്കുന്നുണ്ടെന്നും അദ്ദേഹം പറഞ്ഞു.
