തിരുവനന്തപുരം: ഷാഫി പറമ്പിലിന്റെ വീഴ്ച തുടങ്ങിയത് തൃശൂരിലെ തളിക്കുളത്ത് വേടന് സ്വീകരണം നല്കിയ അന്ന് മുതലെന്ന് സോഷ്യല് മീഡിയ. ശ്രീരാമനെ അപമാനിച്ച് സംസാരിച്ച വേടന് അധികം വൈകാതെയാണ് തളിക്കുളത്ത് സ്വീകരണം നല്കിയത്. ടി.എന്. പ്രതാപനും ചേര്ന്നായിരുന്നു ഈ സ്വീകരണം സംഘടിപ്പിച്ചത്.
ശ്രീരാമനെ അറിയില്ല, രാവണനാണ് നമ്മുടെ നായകന് എന്നതുള്പ്പെടെ ശ്രീരാമനെ അപമാനിച്ച് വേടന് ഒരുപാട് സംസാരിച്ചിരുന്നു. പണ്ട് ഗണപതി മിത്താണെന്ന് പറഞ്ഞ ഇപ്പോഴത്തെ സ്പീക്കര് ഷംസീറിന് പിന്നീട് മാപ്പ് പറയേണ്ടിവന്നു. അത് തന്നെയായിരിക്കും ഷാഫി പറമ്പിലിന്റെ ഗതിയെന്നും സോഷ്യല് മീഡിയയില് ചിലര് പ്രസ്താവിക്കുന്നു.
പണ്ട് ആളുകളെ കൊള്ളയടിച്ച് ജീവിച്ച രത്നാകരന് എന്ന കള്ളന് രാമനാമം ജപിച്ചപ്പോള് വലിയ മാറ്റമുണ്ടാവുകയും അയാള് പിന്നീട് വാല്മീകി എന്ന് അറിയപ്പെടുന്ന എഴുത്തുകാരനാവുകയും ചെയ്തു. അത്രയ്ക്ക് ശക്തിയുള്ള ദൈവമാണ് രാമന്. ആ രാമനെ അപമാനിച്ച വേടന് സ്വീകരണം നല്കുകയും വാഴ്ത്തി സംസാരിക്കുകയും ചെയ്ത അന്ന് തുടങ്ങിയതാണ് ഷാഫി പറമ്പിലിന്റെ പതനം. ഷാഫിക്ക് മാത്രമല്ല, രാഹുല് മാങ്കൂട്ടത്തില് ഉള്പ്പെടെയുള്ള ഷാഫിയുടെ അനുയായികളും അപവാദശരങ്ങളേറ്റ് മുഖം നഷ്ടപ്പെട്ട നിലയിലാണ്. ടി.എന്. പ്രതാപനും ഇതേ ഫലമാണ് ഉണ്ടാവുകയെന്നും ശ്രീരാമവിശ്വാസികള് പറയുന്നു.
ഇനി ഷാഫി പറമ്പിലിന് രക്ഷപ്പെടാന് ഒരു വഴിയേ ഉള്ളൂ. ശ്രീരാമനാമം ജപിക്കുക, ശ്രീരാമക്ഷേത്രത്തില് വഴിപാടുകള് നടത്തുക. മാപ്പ് പറഞ്ഞ് സാഷ്ടാംഗം നമസ്കിരിക്കുക. – ശ്രീരാമവിശ്വാസികള് ഉപദേശിക്കുന്നു.
