ചെന്നൈ: സ്റ്റാലിന്റെ മകന് ഉദയനിധി സ്റ്റാലിന് സനാതനധര്മ്മത്തെ ഡെങ്കിപ്പനി, മലേറിയ, കൊറോണ എന്നിവ പോലെ തുടച്ചുനീക്കണം എന്ന് പ്രസ്താവിച്ച നേതാവാണ്. പക്ഷെ ഉദയനിധി സ്റ്റാലിന്റെ ജന്മദിനാഘോഷത്തിന്റെ ഭാഗമായി അരങ്ങേറിയത് സംസ്കാരസമ്പന്നമായ അശ്ലീല നൃത്തം.
ഉദയനിധി സ്റ്റാലിന്റെ ജന്മദിനാഘോഷത്തിന്റെ ഭാഗമായി അരങ്ങേറിയ അശ്ലീലനൃത്തം വേദിയില് മുന്നിരയില് ഇരുന്ന് ആസ്വദിച്ച ഡിഎംകെ മന്ത്രി പെരിയകറുപ്പന് വെട്ടിലായിരിക്കുകയാണ്. ഈ അശ്ലീലനൃത്തം ശരിയ്ക്കും ആസ്വദിക്കുന്ന മന്ത്രിയുടെ വീഡിയോ വൈറലായി സമൂഹമാധ്യമങ്ങളില് പ്രചരിക്കുകയാണ്. അല്പവസ്ത്രധാരിണികളായ നൃത്തക്കാരികള്ക്കൊപ്പം താളം പിടിച്ച് അവരുടെ നൃത്തം ആസ്വദിക്കുന്ന മന്ത്രിയുടെ പെരുമാറ്റം പൊതുമര്യാദകള്ക്ക് ചേര്ന്നതല്ലെന്ന് ആരോപിച്ച് എഐഎഡിഎംകെയും ബിജെപിയും രംഗത്തെത്തിയിരിക്കുകയാണ്.
ഡിഎംകെ ജില്ലാതലഭാരവാഹികള്ക്കൊപ്പമാണ് മന്ത്രി ഈ നൃത്തം ആസ്വദിക്കുന്നത്. “അര്ധനഗ്നവേഷധാരിണികളായ നൃത്തക്കാരികളെ വിളിച്ചുവരുത്തി അടുത്ത് നിര്ത്തി നൃത്തം ചെയ്യിക്കുന്ന, അത് ആസ്വദിച്ച് കയ്യടിക്കുന്ന നേതാക്കളെ ആശ്രയിക്കേണ്ടിവരുമ്പോള് തമിഴ്നാട്ടിലെ സ്ത്രീകള്ക്ക് എങ്ങിനെ അവരോട് പരാതി പറയാന് സാധിക്കും?”-ബിജെപി ചോദിക്കുന്നു.
തമിഴ് സംസ്കാരത്തെയും പരമ്പരാഗത മൂല്യങ്ങളേയും ഡിഎംകെ അവഗണിക്കുകയാണെന്ന് എഐഎഡിഎംകെ നേതാവ് പശുപതി സെന്തില് ആരോപിച്ചു. ഇതിന് മറുപടി പറയാനാവാതെ കുഴങ്ങുകയാണ് സ്റ്റാലിനും മകന് ഉദയനിധി സ്റ്റാലിനും.
