പെരുമാറ്റച്ചട്ടം നിലനില്‍ക്കെ, പ്രതീക്ഷിത ഒഴിവുകള്‍ റിപ്പോര്‍ട്ട് ചെയ്യാന്‍ ഭരണ പരിഷ്‌കാര വകുപ്പിന്റെ തിരക്കിട്ട നിര്‍ദേശം

തിരുവനന്തപുരം: 2026 കലണ്ടര്‍ വര്‍ഷത്തെ പ്രതീക്ഷിത ഒഴിവുകള്‍ പബ്ലിക് സര്‍വീസ് കമ്മീഷനെ അറിയിക്കണമെന്ന് ഉദ്യോഗസ്ഥ ഭരണ പരിഷ്‌കാര വകുപ്പിന്റെ നിര്‍ദേശം. എല്ലാ വകുപ്പ് തലവന്‍മാരും/ നിയമനാധികാരികളും 2026 ജനുവരി 1 മുതല്‍ ഡിസംബര്‍ 31 വരെ ഓരോ തസ്തികകളിലും ഉണ്ടാകാന്‍ സാധ്യതയുള്ള പ്രതീക്ഷിത ഒഴിവുകള്‍ ഡിസംബര്‍ 26 നകം പബ്ലിക് സര്‍വീസ് കമ്മീഷനെ അറിയിക്കണം. ഒഴിവുകള്‍ പ്രതീക്ഷിക്കുന്നില്ലെങ്കില്‍ ഒഴിവുകള്‍ ഇല്ല എന്ന് അറിയിക്കണം. 2026 വര്‍ഷത്തെ പ്രതീക്ഷിത ഒഴിവുകള്‍ സംബന്ധിച്ച വിവരങ്ങള്‍ ഡിസംബര്‍ 30 നകം സെക്രട്ടേറിയറ്റിലെ ബന്ധപ്പെട്ട ഭരണ വകുപ്പിനും ഉദ്യോഗസ്ഥ-ഭരണപരിഷ്‌കാര (അഡിമിനിസ്‌ട്രേറ്റീവ് വിജിലന്‍സ് സെല്‍) വകുപ്പിനും റിപ്പോര്‍ട്ട് ചെയ്യണമെന്നും സര്‍ക്കുലറില്‍ അറിയിച്ചു.