തിരുവനന്തപുരം: മുഷ്താഖ് അലി ടി20 ട്രോഫിക്കായുളള കേരള ടീമിനെ സഞ്ജു സാംസണ് നയിക്കും. അഹമ്മദ് ഇമ്രാനാണ് വൈസ് ക്യാപ്റ്റന്. സഞ്ജുവിന്റെ സഹോദരന് സലി സാംസണ്, ഐപിഎല് താരങ്ങളായ വിഗ്നേഷ് പുത്തൂര്, വിഷ്ണു വിനോദ് എന്നിവരും ടീമിലുണ്ട്.
കേരള ക്രിക്കറ്റില് ലീഗില് തിളങ്ങിയ താരങ്ങള്ക്ക് അവസരം ഒരുക്കി. മധ്യപ്രദേശിനെതിരായ പരിശീലന മത്സരത്തില് കളിച്ചതിനാലാണ് വിഘ്നേഷിനെ സ്ക്വാഡില് ഉള്പെടുത്തിയതെന്ന് കേരള ക്രിക്കറ്റ് അസോസിയേഷന് അറിയിച്ചു. ഐപിഎല് താരലേലത്തിന് മുമ്പ് വിഘ്നേഷിനെ മുംബൈ ഇന്ത്യന്സ് ടീമില് നിന്നൊഴിവാക്കിയിരുന്നു. രഞ്ജി ട്രോഫി മത്സരത്തിനിടെ പരിക്കേറ്റ സല്മാന് നിസാറിനെ ടീമില് ഉള്പ്പെടുത്തി.
കേരള ടീം: സഞ്ജു സാംസണ് (ക്യാപ്റ്റന് ,വിക്കറ്റ് കീപ്പര്), രോഹന് കുന്നുമ്മല്, മുഹമ്മദ് അസ്ഹറുദ്ദീന്, അഹമ്മദ് ഇമ്രാന് (വൈസ് ക്യാപ്റ്റന്), വിഷ്ണു വിനോദ് (വിക്കറ്റ് കീപ്പര്), കൃഷ്ണ ദേവന്,സാലി സാംസണ്, സല്മാന് നിസാര്, കൃഷ്ണ പ്രസാദ്, അബ്ദുള് ബാസിത്ത്, സിബിന് പി ഗിരീഷ്, അങ്കിത് ശര്മ്മ, അഖില് സ്കറിയ, ബിജു നാരായണന്, ആസിഫ് കെ എം, നിധീഷ് എം ഡി, വിഘ്നേഷ് പുത്തൂര്, ഷറഫുദ്ദീന്.
ഈ മാസം 26നാണ് മുഷ്താഖ് അലി ടൂര്ണമെന്റ് തുടങ്ങുന്നത്. എലൈറ്റ് ഗൂപ്പ് എയില് ഒഡീഷ, റെയില്വേസ്, ഛത്തീസ്ഗഡ്, വിദര്ഭ, മുംബയ്, ആന്ധ്ര പ്രദേശ്, അസം എന്നിവര്ക്കെതിരെയാണ് കേരളത്തിന് കളിക്കേണ്ടത്. ഒഡീഷയ്ക്കെതിരെയാണ് കേരളത്തിന്റെ ആദ്യ മത്സരം. വെള്ളിയാഴ്ച്ച റെയില്വേസിനെതിരെ കളിക്കും. ഞായറാഴ്ച ഛത്തീസ്ഗഡിനെതിരെയാണ് കേരളത്തിന്റെ മൂന്നാം മത്സരം.
