ആലപ്പുഴ: വിവാരാവകാശ അപേക്ഷകളില് വിവരം നല്കാതിരിക്കുകയോ വിവരം നല്കുന്നതില് കാലതാമസം നേരിടുകയോ തെറ്റായവിവരം നല്കുകയോ ചെയ്യുന്നത് വിവരാവകാശ നിയമത്തിന്റെ ലംഘനമാണെന്നും ഇത്തരത്തില് പ്രവര്ത്തിക്കുന്ന ഉദ്യോഗസ്ഥര്ക്കെതിരെ ശിക്ഷാ നടപടികള് സ്വീകരിക്കുമെന്നും സംസ്ഥാന വിവരാവകാശ കമ്മിഷണര് അഡ്വ. ടി കെ രാമകൃഷ്ണന് പറഞ്ഞു. ദേശീയ സമ്പാദ്യപദ്ധതി കോണ്ഫറന്സ് ഹാളില് സംഘടിപ്പിച്ച സംസ്ഥാന വിവരാവകാശ കമ്മിഷന്
വിവരാവകാശം പൊതുജനങ്ങള്ക്ക് കിട്ടിയ ഏറ്റവും നല്ല നിയമമാണ്. വിവരാവകാശ അപേക്ഷക്ക് വെറും മറുപടി നല്കിയാല് പോരെന്നും ആവശ്യപ്പെട്ട വിവരങ്ങള് തന്നെ നല്കണമെന്നും അദ്ദേഹം പറഞ്ഞു. വിവരാവകാശ അപേക്ഷ ലഭിച്ചാല് എത്രയും പെട്ടെന്നോ പരമാവധി 30 ദിവസത്തിനുള്ളിലോ വിവരം നല്കണമെന്നാണ് നിയമം അനുശാസിക്കുന്നത്. ജനങ്ങള് നല്കിയ പരാതികളില് സ്വീകരിച്ച നടപടികള് അറിയാനാണ് വിവരാവകാശ അപേക്ഷകളില് അധികവും സമര്പ്പിക്കുന്നത്. വിവരാവകാശ നിയമ പ്രകാരമുളള നടപടിക്രമങ്ങള് കൃത്യമായി പാലിക്കുന്നത് വിവരാവകാശ രേഖകള് വേഗത്തില് ലഭ്യമാക്കാന് സഹായിക്കും. ഓരോ ഓഫീസുകളിലെയും രേഖകള് സുചിക തയ്യാറാക്കിയും പട്ടിക തിരിച്ചും കൃത്യമായി സൂക്ഷിക്കേണ്ട ഉത്തരവാദിത്തം വിവരാവകാശ നിയമം വകുപ്പ് നാല് പ്രകാരം ബന്ധപ്പെട്ട വകുപ്പ് മേധാവിയുടെയും പൊതു അധികാരിയുടെയും ഉത്തരവാദിത്തമാന്നെന്നും കമ്മീഷണര് വ്യക്തമാക്കി.
