തിരുവനന്തപുരം: പരമപൂജനീയ ജഗദ്ഗുരു സ്വാമി സത്യാനന്ദസരസ്വതി തൃപ്പാദങ്ങളുടെ പത്തൊന്പതാമത് മഹാസമാധി വാര്ഷികം നവംബര് 24, 25 തീയതികളില് ഭക്തിനിര്ഭരമായ ചടങ്ങുകളോടെ ചേങ്കോട്ടുകോണം ശ്രീരാമദാസ ആശ്രമം-മിഷന് പ്രസ്ഥാനങ്ങളുടെ നേതൃത്വത്തില് ആചരിക്കുന്നു.
ശ്രീരാമദാസ ആശ്രമത്തില് 24ന് വെളുപ്പിന് 4.00ന് നിര്മ്മാല്യം, രാവിലെ 5.30ന് ആരാധന, 6.30ന് അഹോരാത്ര ശ്രീരാമായണപാരായണ സമാരംഭം, 7:00ന് ഹോമം, 10ന് ജ്യോതിക്ഷേത്രത്തില് ഗുരുഗീതാ പാരായണം, ഭജന. 11ന് മഹാസമാധിപൂജ, ഉച്ചയ്ക്ക് ഒന്നിന് പ്രസാദ ഊട്ട്, വൈകുന്നേരം 6.30ന് ദീപക്കാഴ്ച, രാത്രി 8.30ന് ഭജന, ആരാധന.
25ന് വെളുപ്പിന് 4.00ന് ശ്രീരാമപട്ടാഭിഷേകം. 5ന് നിര്മ്മാല്യം, രാവിലെ 5.30ന് ആരാധന, 6.30ന് അഹോരാത്ര ശ്രീരാമായണ പാരായണ സമാരംഭം, 7:00ന് ഹോമം, 7.30ന് ജ്യോതിക്ഷേത്രത്തില് ലക്ഷാര്ച്ചന സമാരംഭം, 8.00ന് കഞ്ഞിസദ്യ, 11:00ന് പൂമൂടല്, ഉച്ചയ്ക്ക് ഒന്നിന് അമൃതഭോജനം, വൈകുന്നേരം 6ന് ലക്ഷാര്ച്ചന സമര്പ്പണം, രാത്രി 8.30ന് ഭജന, ആരാധന, വെളുപ്പിന്(നവംബര് 26) 3.30ന് ശ്രീരാമപട്ടാഭിഷേകത്തോടെ ചടങ്ങുകള് സമാപിക്കും. ചടങ്ങുകള്ക്ക് ശ്രീരാമദാസ ആശ്രമം അദ്ധ്യക്ഷന് ശ്രീശക്തി ശാന്താനന്ദ മഹര്ഷി മുഖ്യകാര്മികത്വം വഹിക്കും.
