ന്യൂദല്ഹി: അഫ്ഗാനിസ്ഥാനുമായുള്ള വ്യോമ കാര്ഗോ സര്വീസുകള് പുനരാരംഭിക്കാനൊരുങ്ങി ഭാരതം. അഫ്ഗാന് വ്യാപാരമന്ത്രി അല്- ഹാജ് നൂറുദ്ദീന് അസീസിയുടെ ന്യൂദല്ഹി സന്ദര്ശന വേളയിലാണ് പ്രഖ്യാപനമുണ്ടായത്. കാബൂള്-ദല്ഹി, കാബൂള്-അമൃത്സര് റൂട്ടുകളിലെ വ്യോമ ചരക്ക് ഇടനാഴി വീണ്ടും സജീവമാക്കിയതായി വിദേശകാര്യ മന്ത്രാലയം സ്ഥിരീകരിച്ചു. അഞ്ച് ദിവസത്തെ ഔദ്യോഗിക സന്ദര്ശനത്തിനാണ് അഫ്ഗാന് മന്ത്രിയെത്തിയത്. വിദേശകാര്യ മന്ത്രി എസ്. ജയ്ശങ്കറുമായി തലസ്ഥാനത്ത് കൂടിക്കാഴ്ച നടത്തി. ഒരു മാസം മുന്പ് അഫ്ഗാന് വിദേശകാര്യ മന്ത്രി അമീര് ഖാന് മുത്തഖി ഭാരതം സന്ദര്ശിച്ചിരുന്നു.
















