കൊല്ലം: ശബരിമല സ്വര്ണക്കൊള്ള കേസില് അറസ്റ്റിലായ തിരുവിതാംകൂര് ദേവസ്വം ബോര്ഡ് മുന് പ്രസിഡന്റ് എ പത്മകുമാറിനെ റിമാന്ഡ് വിജിലന്സ് കോടതി ചെയ്തു. കൊല്ലം വിജിലന്സ് കോടതിയാണ് 14 ദിവസത്തേക്ക് പത്മകുമാറിനെ റിമാന്ഡ് ചെയ്തത്. പത്മകുമാറിനെ തിരുവനന്തപുരം സ്പെഷ്യല് സബ് ജയിലിലേക്ക് മാറ്റി. ശബരിമല ശ്രീകോവിലിനു മുന്നിലെ കട്ടിളപ്പടിയിലെ സ്വര്ണം കവര്ന്ന കേസുമായി ബന്ധപ്പെട്ടാണ് അറസ്റ്റ് രേഖപ്പെടുത്തിയത്.
അതേസമയം പത്മകുമാറിനായി പ്രത്യേക അന്വേഷണസംഘം ഉടന് കസ്റ്റഡി അപേക്ഷ നല്കും. കസ്റ്റഡിയില് വാങ്ങിയശേഷം തെളിവെടുപ്പ് ഉള്പ്പെടെയുള്ള നടപടിക്രമങ്ങള് പൂര്ത്തിയാക്കും.പത്മകുമാറിനെ ചോദ്യം ചെയ്തതില് നിന്ന് നിര്ണായക വിവരങ്ങള് ഇതിനോടകം അന്വേഷണ സംഘത്തിന് ലഭിച്ചിട്ടുണ്ട്. സാക്ഷിമൊഴികളും കൃത്യമായ തെളിവുകളും ശേഖരിച്ചശേഷമാണ് പത്മകുമാറിനെ എസ്ഐടി അറസ്റ്റ് ചെയ്തത്.
സി.പി.എം പത്തനംതിട്ട ജില്ലാ കമ്മറ്റി അംഗവും മുന് എം.എല്.എയുമാണ് പത്മകുമാര്. ശബരിമല സ്വര്ണക്കൊള്ളക്കേസില് നേരത്തേ അറസ്റ്റിലായവരുടെ മൊഴികളെല്ലാം പത്മകുമാറിനെതിരാണെന്നാണ് വിവരം. നിലവില് ഈ കേസില് പ്രതിചേര്ക്കപ്പെട്ടവരില് മുഖ്യസ്ഥാനത്ത് നില്ക്കുന്നത് പത്മകുമാറാണ്.
