കാസര്കോട്: ദേലംപാടി ഗ്രാമപഞ്ചായത്തില് സിപിഎം നേരിടുന്നത് കാല് നൂറ്റാണ്ടിന്റെ ചരിത്രത്തിലെ ഏറ്റവും വലിയ വെല്ലുവിളി. അഞ്ച് വാര്ഡുകളിലാണ് വിമത വിഭാഗം മത്സരത്തിനിറങ്ങിയിരിക്കുന്നത്. അഞ്ച് വാര്ഡുകളില് നാല് എണ്ണത്തിലും വിമത സ്ഥാനാര്ത്ഥികള്ക്ക് യൂഡിഎഫ് പിന്തുണ പ്രഖ്യാപിച്ചിട്ടുണ്ട്.
മുന് പഞ്ചായത്ത് പ്രസിഡന്റും സിപിഎം കാറഡുക്ക ഏരിയ കമ്മറ്റി അംഗവുമായിരുന്ന എ. മുസ്തഫ ഹാജി, ഇദ്ദേഹം പഞ്ചായത്ത് പ്രസിഡന്റായിരിക്കെ സ്ഥിരംസമിതി അധ്യക്ഷനും മുന് പാണ്ടി ലോക്കല് സെക്രട്ടറിയുമായ എ. രത്തന് കുമാര് നായിക്ക് എന്നിവരാണ് പാര്ട്ടിക്കെതിരെ മത്സരിക്കുന്ന പ്രമുഖര്. മുസ്തഫ ഹാജി യുഡിഎഫ് കഴിഞ്ഞ തവണ ഒരു വോട്ടിന് വിജയിച്ച ദേലംപാടിയിലും കൗന്കുമാര് എല്ഡിഎഫിന്റെ സിറ്റിങ് വാര്ഡായ ധൂരിലുമാണ് ജനവിധി തേടുന്നത്. ഇത് കൂടാതെ ഊജംപാടി, മയ്യള, പുതിയമ്പലം എന്നീ വാര്ഡുകളിലും മുസ്ത ഹാജിയെ അനുകൂലിക്കുന്ന വിഭാഗം സ്വതന്ത്രമായി മത്സരിക്കുന്നുണ്ട്.
ഇതില് ആദ്യത്തെ രണ്ട് വാര്ഡുകള് എല്ഡിഎഫിന്റെ സിറ്റിങ് സീറ്റുകളാണ്. ഊജംപാടിയില് ഐത്തപ്പ നായിക്കും ചേളയില് ഐത്തപ്പയും പുതിയമ്പലത്ത് ആമിന ആദവുമാണ് സ്ഥാനാര്ത്ഥികള്.
രത്തന്കുമാര് നായിക്ക് അഡൂര് വാര്ഡില് മുന്നണികളുടെ പരസ്യ പിന്തുണയില്ലാതെയാണ് മത്സരിക്കുന്നത്. കഴിഞ്ഞതവണ 187 വോട്ടുകള്ക്ക് സിപിഎം വിജയിച്ച വാര്ഡില് ശക്തമായ വെല്ലുവിളിയാണ് രത്തന്കുമാര് ഉയര്ത്തുന്നത്.
