തിരുവനന്തപുരം: ശബരിമല സ്വര്ണക്കൊളള കേസില് ദേവസ്വം ബോര്ഡ് മുന് പ്രസിഡന്റും സി പി എം നേതാവുമായ എ പത്മകുമാറിനെ അറസ്റ്റ് ചെയ്തതില് പ്രതികരണവുമായി മുന് ദേവസ്വം മന്ത്രി കടകംപളളി സുരേന്ദ്രന്.ദേവസ്വം ബോര്ഡുകളുടെ പ്രവര്ത്തനം സ്വതന്ത്രമാണ്.ബോര്ഡിന്റെ തീരുമാനങ്ങളും സ്വതന്ത്രമാണെന്ന് കടകംപളളി പറഞ്ഞു.
മന്ത്രി തലത്തില് ഫയല് അയക്കേണ്ട ആവശ്യമില്ല.ദേവസ്വം ബോര്ഡുമായി ബന്ധപ്പെട്ട ഒരു ഫയലും താന് മന്ത്രിയായിരുന്ന കാലയളവില് മുന്നില് വന്നിട്ടില്ല.ദേവസ്വം ബോര്ഡിന്റെ തീരുമാനങ്ങള് സര്ക്കാരിന്റെ അറിവോടയല്ലെന്നും കടകംപള്ളി പറഞ്ഞു.
പത്മകുമാറിന്റെ അറസ്റ്റില് പാര്ട്ടി സംസ്ഥാന സെക്രട്ടറി നിലപാട് വ്യക്തമായി പറഞ്ഞു കഴിഞ്ഞു.പ്രതിപക്ഷം ഒരുപാട് അന്യായങ്ങള് വിളിച്ചു പറയുന്നുണ്ട്. കുറ്റമറ്റ അന്വേഷണമാണ് നടക്കുന്നത്. അന്വേഷണം ശരിയായ ദിശയില് നടക്കുന്നുവെന്ന് പറഞ്ഞ കടകംപളളി കുറ്റപത്രം സമര്പ്പിക്കുന്നത് വരെ കാത്തിരിക്കണമെന്നും ആവശ്യപ്പെട്ടു. സര്ക്കാരിന്റെ കൈകള് ശുദ്ധം. ഇളക്കാന് പറയാനും പൂശാന് പറയാനും ദേവസ്വം മന്ത്രിക്ക് അവകാശമില്ലെന്നും അദ്ദേഹം വ്യക്തമാക്കി.
തന്റെ അപകീര്ത്തി കേസില് പ്രതിപക്ഷ നേതാവ് ഇതുവരെയും മറുപടി നല്കിയിട്ടില്ല. എല്ലാകാര്യങ്ങളും മാധ്യമങ്ങളോട് വിളിച്ചു പറയേണ്ടതില്ല. പ്രതിപക്ഷനേതാവ് മറുപടി പറയാത്തതിന് കോടതി മുഖേന സിവില് കേസ് ഫയല് ചെയ്തിട്ടുണ്ടെന്ന് കടകംപളളി പറഞ്ഞു.
ശബരിമല സ്വര്ണക്കൊളളയില് ദേവസ്വം മുന് മന്ത്രി കടകംപളളിക്കും പങ്കുണ്ടെന്നാണ് പ്രതിപക്ഷ ആരോപണം.
