കാഠ്മണ്ഡു: വീണ്ടും കലാപം പൊട്ടിപ്പുറപ്പെട്ടതിനെത്തുടര്ന്ന് നേപ്പാളിന്റെ ചില ഭാഗങ്ങളില് കര്ഫ്യൂ ഏര്പ്പെടുത്തി. സെപ്റ്റംബറില് നടന്ന ‘ജന് ഇസഡ്’ പ്രക്ഷോഭത്തില് അട്ടിമറിക്കപ്പെട്ട മുന് ഭരണകക്ഷിയുടെ വിശ്വസ്തരും യുവ പ്രക്ഷോഭകരും തമ്മിലാണ് ഏറ്റുമുട്ടലുണ്ടായത്.
പുറത്താക്കപ്പെട്ട മുന് പ്രധാനമന്ത്രി കെ പി ശര്മ്മ ഒലിയുടെ കമ്മ്യൂണിസ്റ്റ് പാര്ട്ടി ഓഫ് നേപ്പാള് അനുയായികളും ജന് ഇസഡ് പ്രക്ഷോഭകരും ബാര ജില്ലയിലെ സിമാര പ്രദേശത്ത് പ്രത്യേകം റാലികള് നടത്തിയതോടെയാണ് സ്ഥിതി വഷളായത്.
‘സ്ഥിതി സാധാരണമാണ്. ആര്ക്കും ഗുരുതരമായി പരിക്കേറ്റിട്ടില്ല,’ നേപ്പാള് പോലീസ് വക്താവ് അബി നാരായണ് വാര്ത്താ ഏജന്സിയായ എഎഫ്പിയോട് പറഞ്ഞു. എല്ലാ പാര്ട്ടികളോടും ‘അനാവശ്യമായ രാഷ്ട്രീയ പ്രകോപനങ്ങളില് നിന്ന് വിട്ടുനില്ക്കാന്’ പ്രധാനമന്ത്രി സുശീല കര്ക്കി ആഹ്വാനം ചെയ്തു.
