പട്ന : ബീഹാര് നിയമ തെരഞ്ഞെടുപ്പില് പ്രശാന്ത് കിഷോറിന്റ ജന് സൂരജ് പാര്ട്ടി വലിയ മുന്നേറ്റം നടത്തുമെന്ന റിപ്പോര്ട്ടുകള് തെരഞ്ഞെടുപ്പ് ഫലം പുറത്തുവന്നപ്പോള് കാറ്റില് പറന്നു. പ്രശാന്ത് കിഷോറിന്റെ ജന് സൂരജ് പാര്ട്ടിക്ക് ഒരൊറ്റ സീറ്റും ലഭിച്ചില്ല.
ഇതേ തുടര്ന്ന് വലിയ വിമര്ശനങ്ങള് ഏറ്റുവാങ്ങുകയാണ് പ്രശാന്ത് കിഷോര്. എന്ഡിടിവി എഡിറ്റര് ഇന് ചീഫായ രാഹുല് കന്വാലും പ്രശാന്ത് കിഷോറും തമ്മിലുള്ള സംഭാഷണം സമൂഹമാധ്യമങ്ങലില് വൈറലാണ്. ഇതില് പ്രശാന്ത് കിഷോറിന്റെ വായടപ്പിക്കുകയാണ് രാഹുല് കന്വാല്. ഇവര് തമ്മിലുള്ള ഒരു ഡയലോഗ് ആണ് പ്രചരിക്കുന്നത്.
🚨 ANGRY PRASHANT KISHOR : You want me to quit politics just because I won zero seats?
RAHUL KANWAL 😂🔥 : But you yourself said na you would quit politics if JDU wins more than 25 seats
Journalists exposing Prashant Kishor now 🔥 pic.twitter.com/Cw4rkggGG0
— News Algebra (@NewsAlgebraIND) November 19, 2025
പ്രശാന്ത് കിഷോര്: എനിക്ക് പൂജ്യം സീറ്റുകളേ ലഭിച്ചുള്ളൂ എന്നതിനാല് ഞാന് രാഷ്ട്രീയം വിടണമെന്നാണോ നിങ്ങള് ആഗ്രഹിക്കുന്നത്?
ഇതിന് രാഹുല് കന്വാല് നല്കിയ മറുപടി രസകരമാണ്യ
രാഹുല് കന്വാല്: ജനതാദള് (യുണറ്റഡ്) 25 സീറ്റുകളില് അധികം നേടിയാല് രാഷ്ട്രീയത്തില് നിന്നും രാജിവെയ്ക്കുമെന്ന് താങ്കല് പറഞ്ഞിരുന്നല്ലോ.
ഇതിന് പ്രശാന്ത് കിഷോറിന് മറുപടിയില്ലായിരുന്നു. നിതീഷ് കുമാറിന്റെ ജനതാദള് (യുണൈറ്റഡ്) ആകെ മത്സരിച്ച 101 സീറ്റുകളില് 85 സീറ്റുകളില് വരെ വിജയിച്ചിരുന്നു. ഇത് ജനതാദള് (യുണൈറ്റഡ്) ന്റെ റെക്കോഡ് വിജയമാണ്.
അതേ സമയം പ്രശാന്ത് കിഷോറിന്റെ ജന് സൂരജ് പാര്ട്ടിയെ തള്ളിക്കളയാനാവില്ലെന്ന് രാഷ്ട്രീയനിരീക്ഷകര്. തെരഞ്ഞെടുപ്പില് മത്സരിച്ച സീറ്റുകളില് 3.4 ശതമാനം വോട്ടുകള് ലഭിച്ചിരുന്നു. ഇത് ഇടത് പാര്ട്ടികള്ക്ക് ലഭിച്ച വോട്ടുശതമാനത്തേക്കാള് കൂടുതലാണ്.
