മനുഷ്യത്വം എന്ന ഒറ്റ ജാതിയേ ഉള്ളൂവെന്ന് ഐശ്വര്യാറായി; പുട്ടപ്പര്‍ത്തിയിലെ പ്രസംഗത്തിന് ശേഷം മോദിയുടെ കാലില്‍ നമസ്കരിച്ച് ഐശ്വര്യാ റായി

പുട്ടപ്പര്‍ത്തി: മനുഷ്യര്‍ക്കിടയില്‍ ജാതി ഇല്ലെന്നും മനുഷ്യത്വം എന്ന ഒറ്റ ജാതിയേ ഉള്ളൂവെന്നും പറഞ്ഞ് ഐശ്വര്യാറായി. ആന്ധ്രയിലെ പുട്ടപ്പര്‍ത്തിയില്‍ സത്യസായിബാബ നൂറാം ജന്മവാര്‍ഷികാഘോഷത്തില്‍ പങ്കെടുക്കുകയായിരുന്നു ഐശ്വര്യാറായി.

𝐀 𝐛𝐞𝐚𝐮𝐭𝐢𝐟𝐮𝐥 𝐦𝐨𝐦𝐞𝐧𝐭 𝐰𝐡𝐞𝐫𝐞 𝐭𝐡𝐞 𝐞𝐬𝐬𝐞𝐧𝐜𝐞 𝐨𝐟 𝐭𝐫𝐚𝐝𝐢𝐭𝐢𝐨𝐧, 𝐡𝐮𝐦𝐢𝐥𝐢𝐭𝐲 𝐚𝐧𝐝 𝐫𝐞𝐬𝐩𝐞𝐜𝐭 𝐜𝐚𝐦𝐞 𝐚𝐥𝐢𝐯𝐞 𝐢𝐧 𝐚 𝐬𝐢𝐧𝐠𝐥𝐞 𝐢𝐧𝐬𝐭𝐚𝐧𝐭. 🙏

From the stage, actress Aishwarya Rai Bachchan praised the leadership of Prime… pic.twitter.com/guxUVZfImx

— BJP (@BJP4India) November 19, 2025

മതം ഒന്നേയുള്ളൂവെന്നും അത് സ്നേഹത്തിന്റെ മതമാണെന്നും ദൈവം ഒന്നേയുള്ളൂവെന്നും അത് സര്‍വ്വവ്യാപിയായ ശക്തിയാണെന്നും ഐശ്വര്യ പറഞ്ഞു, തന്റെ ലഘു പ്രസംഗം അവസാനിപ്പിച്ച ശേഷം ഐശ്വര്യാ റായി വേദിയില്‍ മുന്‍നിരയില്‍ ഇരിക്കുന്ന പ്രധാനമന്ത്രി മോദിയുടെ അരികിലേക്ക് നടന്നു ചെന്നു. അദ്ദേഹത്തിന്റെ പാദത്തില്‍ നമസ്കരിച്ച ശേഷമാണ് ഐശ്വര്യാ റായി വേദി വിട്ടത്. ഐശ്വര്യാറായി മോദിയുടെ പാദങ്ങളില്‍ തൊട്ട് നമസ്കരിച്ചപ്പോള്‍ സദസ്സില്‍ നിന്നും സുദീര്‍ഘമായ കരഘോഷം മുഴങ്ങി. ആന്ധ്ര മുഖ്യമന്ത്രി ചന്ദ്രബാബു നായിഡുവും വേദിയില്‍ ഉണ്ടായിരുന്നു.

ബിജെപി സോഷ്യല്‍ മീഡിയ അക്കൗണ്ടില്‍ ഇതിന്റെ വീഡിയോ പങ്കുവെച്ചിരുന്നു. പാരമ്പര്യത്തിന്റെ സത്ത, വിനയം, ബഹുമാനം എന്നിവയ്‌ക്ക് ഒരൊറ്റ നിമിഷത്തില്‍ ജീവന്‍വെച്ച മനോഹരമുഹൂര്‍ത്തം എന്ന കുറിപ്പോടെയാണ് ബിജെപി ഈ വീഡിയോ എക്സില്‍ പങ്കുവെച്ചത്.