തിരുവനന്തപുരം:കോര്പറേഷനില് വിമത സ്ഥാനാര്ഥിയായി മത്സരിക്കുന്ന കെ ശ്രീകണ്ഠനെ സിപിഎം പുറത്താക്കി. ദേശാഭിമാനി തിരുവനന്തപുരം മുന് ബ്യൂറോ ചീഫാണ് കെ ശ്രീകണ്ഠന് .ഉള്ളൂര് ലോക്കല് കമ്മിറ്റി അംഗമായിരുന്നു.
പാര്ട്ടി സ്ഥാനാര്ഥിക്കെതിരെ സ്വതന്ത്രനായി മത്സരിക്കുമെന്ന് കെ ശ്രീകണ്ഠന് പ്രഖ്യാപിച്ചപ്പോള് തന്നെ സിപിഎം നടപടിയുണ്ടാകുമെന്ന സൂചന നല്കിയിരുന്നു. സംഘടനാ നടപടികള് പൂര്ത്തിയാക്കി ഇന്നാണ് പുറത്താക്കല് തീരുമാനം പ്രഖ്യാപിച്ചത്. ഉറപ്പ് നല്കി പ്രചാരണം തുടങ്ങിയ ശേഷം സീറ്റ് നിഷേധിച്ചത് കഴക്കൂട്ടം എം.എല്.എ കടകംപളളി സുരേന്ദ്രന്റെ ഇടപെടലിലാണെന്ന് കെ.ശ്രീകണ്ഠന് ആരോപിച്ചിരുന്നു.
പാര്ട്ടി മുഖപത്രത്തിന്റെ തിരുവനന്തപുരത്തെ മുന് ബ്യൂറോ ചീഫ് വിമതനായി മത്സരരംഗത്ത് എത്തിയത് സിപിഎമ്മിന് ആഘാതമായി.
ചര്ച്ചയിലൂടെ ശ്രീകണ്ഠന് പിന്മാറുമെന്നാണ് പാര്ട്ടി നേതൃത്വം കരുതിയിരുന്നതെങ്കിലും ചര്ച്ച ഫലം കണ്ടില്ല. ഉളളൂര് റോസ് നഗര് റസിഡന്സ് അസോസിയേഷന് പ്രസിഡന്റാണ് ശ്രീകണ്ഠന്.
