ന്യൂയോര്ക്ക് : ക്ലൗഡ് നെറ്റ്വര്ക്കായ ക്ലൗഡ്ഫ്ലെയറിലെ സാങ്കേതിക തടസം മൂലം എക്സ്, ചാറ്റ് ജിപിടി അടക്കം നിരവധി പ്ലാറ്റ്ഫോമുകളുടെ പ്രവര്ത്തനം തടസപ്പെട്ടു. പ്രശ്നങ്ങള് പരിഹരിക്കാന് ശ്രമിക്കുകയാണെന്ന് കമ്പനി വാര്ത്താക്കുറിപ്പില് വ്യക്തമാക്കി.
വൈകിട്ട് ആറുമണിയോടെയാണ് പ്രശ്നങ്ങള് തുടങ്ങിയത്.സൈറ്റുകളുടെ സുഗമമായ പ്രവര്ത്തനം ഉറപ്പാക്കുന്നതിന് ആവശ്യമായ വിവിധ സേവനങ്ങള് നല്കുന്നത് ക്ലൗഡ്ഫ്ലെയറാണ്. വെബ്സൈറ്റുകള്ക്ക് സൈബര് ആക്രമണങ്ങളില് നിന്ന് സുരക്ഷ ഉറപ്പാക്കുന്നതും വേഗത്തിലുള്ള പ്രവര്ത്തനത്തിനും ക്ലൗഡ്ഫ്ലെയര് സഹായിക്കും.
ചാറ്റ് ജിപിടിയില് സാങ്കേതിക തടസം നേരിടുന്നതായി ഓപ്പണ് എഐ അറിയിച്ചു.ഇത് ക്ലൗഡ്ഫ്ലെയറുമായി ബന്ധപ്പെട്ട പ്രശ്നമാണോ എന്ന് കമ്പനി സ്ഥിരീകരിച്ചില്ല. സൈറ്റുകള് പ്രവര്ത്തിപ്പിക്കുന്നതില് പ്രശ്നങ്ങള് ഉളളതായി ഉപഭോക്താക്കള് പറഞ്ഞു.
