ഹൈദരാബാദ്: അല്-ഫലാഹ് സര്വകലാശാല ചെയര്മാന്റെ സഹോദരന് ഹമൂദ് സിദ്ദിഖി സാമ്പത്തിക തട്ടിപ്പ് കേസില് അറസ്റ്റില്. ഹമൂദ് സിദ്ദിഖിനെ മധ്യപ്രദേശ് പോലീസാണ് അറസ്റ്റ് ചെയ്തത്. 2000 ത്തില് മൗവിലാണ് കേസിനാസ്പദമാക്കിയ സംഭവം നടന്നത്.
അല്-ഫലാഹ് ഇന്വെസ്റ്റ്മെന്റ് കമ്പനിയുടെ പേരില് നിക്ഷേപം ഇരട്ടിയാക്കാമെന്ന് പറഞ്ഞ് നൂറുകണക്കിനാളുകളില് നിന്ന് കോടിക്കണക്കിന് രൂപയാണ് തട്ടിയെടുത്തത്. പിന്നാലെ ഇയാളും കുടുംബവും നാട്ടില് നിന്ന് ഒളിച്ചോടുകയായിരുന്നു. ദല്ഹി സ്ഫോടനക്കേസിലെ മുഖ്യപ്രതിയായ ഡോ. ഉമര് ഉന് നബി, ഹമൂദിന്റെ സഹോദരന് ജാവേദ് സിദ്ദിഖി ചെയര്മാനായ അല് ഫലാഹ് സര്വകലാശാലയിലെ വിദ്യാര്ത്ഥിയായിരുന്നു. ഫരീദാബാദ് ഭീകരവാദ മൊഡ്യൂളുമായി ബന്ധപ്പെട്ട് ജാവേദ് സിദ്ദിഖിക്കെതിരെ രണ്ട് കേസുകള് രജിസ്റ്റര് ചെയ്തിട്ടുണ്ട്. സര്വകലാശാലയ്ക്കെതിരെയും അന്വേഷണം നടക്കുന്നുണ്ട്.
