20 വരെ ഓണ്ലൈനില് അപേക്ഷിക്കാം
അഡ്മിഷനായുള്ള സ്ക്രീനിങ് ടെസ്റ്റ് ഡിസംബര് 15 ന്
വിശദവിവരങ്ങള് www.iist.ac.in ല്
ഇന്ത്യന് ഇന്സ്റ്റിറ്റ്യൂട്ട് ഓഫ് സ്പേസ് സയന്സ് ആന്റ് ടെക്നോളജി (ഐഐഎസ്ടി), തിരുവനന്തപുരം (വലിയമല) വിവിധ വകുപ്പുകളിലായി 2026 ജനുവരിയിലാരംഭിക്കുന്ന പിഎച്ച്ഡി പ്രോഗ്രാമിലേക്കുള്ള പ്രവേശനത്തിന് ഓണ്ലൈനില് നവംബര് 20 നകം അപേക്ഷിക്കാം.
ഏയ്റോസ്പേസ് എന്ജിനീയറിങ്, ഏവിയോണിക്സ്, കെമിസ്ട്രി, എര്ത്ത് ആന്റ്സ്പേസ് സയന്സസ്, ഹ്യൂമാനിറ്റീസ് ആന്റ് സോഷ്യല് സയന്സസ്, മാത്തമാറ്റിക്സ്, ഫിസിക്സ് വകുപ്പുകളിലാണ് ഗവേഷണ പഠനാവസരം. വിശദവിവരങ്ങളടങ്ങിയ പ്രവേശന വിജ്ഞാപനം www.iist.ac.in- ല് ലഭിക്കും. പ്രായപരിധി 35 വയസിന് താഴെയാവണം.
പ്രവേശന യോഗ്യത: എംഇ/എംടെക് (60% മാര്ക്ക്/തത്തുല്യ ഗ്രേഡ്) (ഒബിസി/ഇഡബ്ല്യുഎസ്/എസ്സി/എസ്ടി/പിഡബ്ല്യുഡി വിഭാഗങ്ങള്ക്ക് 55 ശതമാനം/തത്തുല്യ ഗ്രേഡ് മതി). അല്ലെങ്കില് എംഎസ്-എന്ജിനീയറിങ് (ജിപിഎ 8/10 ല് കുറയരുത്). ഗേറ്റ്/സിഎസ്ഐആര്/യുജിസി-നെറ്റ്/എന്ബിഎച്ച്എം/ജെസ്റ്റ് യോഗ്യത നേടിയിരിക്കണം. അല്ലെങ്കില് ഐഐഎസ്ടി ഡിസംബര് 15 ന് നടത്തുന്ന സ്ക്രീനിങ് ടെസ്റ്റില് യോഗ്യത നേടണം.
75% മാര്ക്കില്/തത്തുല്യ ഗ്രേഡില് കുറയാതെ ബിഇ/ബിടെക് ബിരുദമുള്ളവര്ക്ക് അപേക്ഷിക്കാം. (ഒബിസി/ഇഡബ്ല്യുഎസ്/എസ്സി/എസ്ടി/പിഡബ്ല്യുഡി വിഭാഗങ്ങള്ക്ക് 70% മാര്ക്ക്/തത്തുല്യ ഗ്രേഡ് മതി). പ്രാബല്യത്തിലുള്ള ഗേറ്റ് സ്കോര് ഉണ്ടായിരിക്കണം. ഐഐഎസ്ടി, ഐഐടികളില്നിന്നും 7.50 സിജിപിഎയില് (ഒബിസി/ഇഡബ്ല്യുഎസ്/എസ്സി/എസ്ടി/പിഡബ്ല്യുഡി വിഭാഗങ്ങള്ക്ക് 7.00 സിജിപിഎ മതി) കുറയാതെ ബിഇ/ബിടെക് ബിരുദമെടുത്തവര്ക്ക് ഗേറ്റ് സ്കോര് ആവശ്യമില്ല.
വിശദമായ യോഗ്യതാ മാനദണ്ഡങ്ങളും അപേക്ഷാ സമര്പ്പണത്തിനുള്ള നിര്ദ്ദേശങ്ങളും സെലക്ഷന് നടപടികളുമെല്ലാം പ്രവേശന വിജ്ഞാപനത്തിലുണ്ട്.
സെലക്ഷനായുള്ള സ്ക്രീനിങ് ടെസ്റ്റ് ഡിസംബര് 15 തിങ്കളാഴ്ച ഐഐഎസ്ടി കാമ്പസ്, വലിയമലയില് നടത്തും. ഇന്റര്വ്യു 16-19 വരെ. തെരഞ്ഞെടുക്കപ്പെടുന്നവരുടെ ലിസ്റ്റ് ഡിസംബര് 26ന് വൈകിട്ട് 5 മണിക്ക് വെബ്സൈറ്റില് പ്രസിദ്ധപ്പെടുത്തും.
