തിരുവനന്തപുരം: ആര്എസ്എസും സംഘപരിവാറും ഉള്ളതുകൊണ്ടാണ് ഇസ്ലാമിക ഭീകരത ഉണ്ടാകുന്നതെന്ന വാദത്തിന് മറുപടിയുമായി സാമൂഹ്യനിരീക്ഷകന് വിദ്യാസാഗര് ഗുരുമൂര്ത്തി. “സുഡാനില് മുസ്ലിങ്ങളെ കൊന്നൊടുക്കുന്നത് ഇസ്ലാമിക ഭീകരസംഘടനയില്പ്പെട്ടവരാണ്. അവിടെ ആര്എസ്എസോ സംഘപരിവാറോ ഉണ്ടോ? അപ്പോള് ഭീകരത എന്ന് പറയുന്നത് ഇസ്ലാമിന്റെ കൂടെപ്പിറപ്പാണ്.” – ഗുരുമൂര്ത്തി വിശദീകരിക്കുന്നു.
ഡോക്ടര്മാരായ ഭീകരര് ദല്ഹിയില് സ്ഫോടനം നടത്തിയത് ആര്എസ്എസും സംഘപരിവാറും ഉള്ളതുകൊണ്ടാണെന്ന ചിലരുടെ അഭിപ്രായപ്രകടനങ്ങളെ ഖണ്ഡിക്കുകയായിരുന്നു വിദ്യാസാഗര് ഗുരുമൂര്ത്തി.
2023 ഏപ്രിലില് തുടങ്ങി ഇന്നുവരെ ഏറ്റവും ക്രൂരമായ രീതിയിലാണ് സുഡാനില് ഇസ്ലാമിക ഭീകരസംഘടന മുസ്ലിങ്ങള് തന്നെയാണ് അവിടുത്തെ പൗരന്മാരെ കൊന്നൊടുക്കുന്നത്. പലരും മരണഭയം കൊണ്ട് രാജ്യം വിട്ടോടുകയാണ്. അവിടെ ആര്എസ്എസ് ഉണ്ടോ? അവിടെ അമ്മയുടെ മുന്പില് കുഞ്ഞിനെക്കൊല്ലുന്നു. കുഞ്ഞ് കണ്ട് നില്ക്കെ അമ്മയെ കൊല്ലുന്നു. ഇത് ആര്എസ്എസ് കാരണമാണോ? അവിടുത്തെ ഭരണാധികാരിയായിരുന്ന ബഷീറിന്റെ കാലത്ത് മുളച്ച് വന്ന ആര്എസ്എഫ് എന്ന ഇസ്ലാമിക ഭീകരഗ്രൂപ്പിലുള്ളവരാണ് എതിര്ശബ്ദമുള്ളവരെയും എതിര്ഭാഗത്തുള്ളവരേയും കൊന്നൊടുക്കുന്നത്. ഇവര്ക്ക് ആയുധം നല്കുന്നത് യുഎഇ ആണ്. മുസ്ലിം രാജ്യമായ യുഎഇ മുസ്ലിംവിഭാഗക്കാരെ കൊല്ലാന് ഇസ്ലാമിക ഭീകരഗ്രൂപ്പായ ആര്എസ്എഫിന് ആയുധം നല്കുന്നു- ഗുരുമൂര്ത്തി വിശദീകരിക്കുന്നു.
എന്നാല് സുഡാന് ഒരു ഇസ്ലാം രാജ്യമായതിനാലും ഒരു ഇസ്ലാമിക രാജ്യത്തില് ഇസ്ലാം ഇസ്ലാമിനെ കൊല്ലുന്നതിനാലും കേരളത്തില് ഒരു മുസ്ലിമോ ഇസ്ലാമിക സംഘടനകളോ സേവ് സുഡാന് എന്ന് പറഞ്ഞ് വരുന്നില്ല. സേവ് ഗാസ എന്ന് പറയുന്നതുപോല എന്തുകൊണ്ട് സേവ് സുഡാന് ഉണ്ടാകുന്നില്ല?- ഗുരുമൂര്ത്തി ചോദിക്കുന്നു.
