തിരുവനന്തപുരം: അന്ധവിശ്വാസ അനാചാര നിരോധന നിയമം നടപ്പിലാക്കുന്നതിന് മുന്നോടിയായി സമഗ്ര പരിശോധനയ്ക്ക് സര്ക്കാര് വിദഗ്ധ സമിതി രൂപീകരിച്ചു.സമിതി കരട് ബില് തയാറാക്കും. വിദഗ്ധസമിതിയുമായി ബന്ധപ്പെട്ട ഉത്തരവ് ആഭ്യന്തരവകുപ്പ് പുറത്തിറക്കി.
മുന് നിയമ സെക്രട്ടറി കെ.ശശിധരന് നായര്, മുന് ഡിജിപി ജേക്കബ് പുന്നൂസ്, വഖഫ് ബോര്ഡ് ചെയര്മാന് അഡ്വ. എം.കെ. സക്കീര് എന്നിവരാണ് സര്ക്കാര് രൂപീകരിച്ച സമിതിയിലെ അംഗങ്ങള്. സമഗ്രമായി പരിശോധിച്ച് കരട് ബില് തയാറാക്കാനാണ് വിദഗ്ധ സമിതിക്ക് നിര്ദേശം നല്കിയിട്ടുളളത്.
സാമൂഹിക, നിയമ, ഭരണഘടനാ വശങ്ങളും സമിതി പരിശോധിക്കും. അഡ്വക്കേറ്റ് ജനറലിന്റെയും ഡയറക്ടര് ജനറല് ഓഫ് പ്രോസിക്യൂഷന്റെയും ശുപാര്ശയെ തുടര്ന്നാണ് സമിതി രൂപീകരിക്കാനുള്ള തീരുമാനം.
