ഉള്ളി -ഒണിയന്. ഭാരതത്തിലുടനീളം ഈര്പ്പമുള്ള പ്രദേശങ്ങളില് കൃഷി ചെയ്യുന്ന മലക്കറിവിള. പുരാതനകാലം മുതല് ആഹാരമായും ഓഷധിയായും ഉപയോഗിക്കുന്നു.
കുടുംബം -ലില്ലിയേസി. ശാസ്ത്രനാമം – അല്ലിയം സെപ. ഭാഷാനാമങ്ങള് – പലാണ്ഡു, വെങ്കായം, നീര്മുള്ളി.
രസാദിഗുണങ്ങള്- രസം -കടു, മധുരം.
ഗുണം – ഗുരു, തീക്ഷ്ണം, സ്നിഗ്ദ്ധം.
വീര്യം – സമശീതോഷ്ണം.
വിപാകം-മധുരം.
കര്മ്മം – വാതപിത്തശമനം.
ഔഷധയോഗ്യഭാഗം – കന്ദം, പൂവ്.
ഔഷധഗുണങ്ങള്-
ചൈതന്യവര്ദ്ധകം, മൂത്രവര്ദ്ധകം, കഫഹാരകം, കാമോദ്ദീപകം. ജ്വരം, മഹോദരം, നീരിളക്കം, ശ്വാസനാളരോഗം, വയറുവേദന എന്നിവയ്ക്ക് ഫലപ്രദം.പച്ച ഉള്ളിക്ക് ഗര്ഭപാ്ര
ത സംങ്കോചന ഗുണമുണ്ട്. ഉള്ളിയ്ക്ക് കാമോദ്ദീപനഗുണമുണ്ട്..
ഉള്ളിയിലുള്ള ക്ഷാരമുള്ള തൈലത്തിന് ചൈതന്യവര്ദ്ധകഗുണവും, മൂത്രവര്ദ്ധകഗുണവും, കഫഹാരകഗുണവുമുണ്ട്. ഉള്ളിപ്പൂവ് നല്ലൊരു ഉത്തേജക ഔഷധമാണ്. വാജീകരണശേഷിയുണ്ട്.
ഹൃദയപേശികളുടെ ശക്തിവര്ദ്ധിപ്പിക്കും. ഞരമ്പുകള്ക്ക് ശക്തിയുണ്ടാക്കും. കുടല്പ്പൂണ്ണും വായ്പൂണ്ണും ഭേദമാക്കും. ഉള്ളി കൊളസ്ട്രോള് നിയന്ത്രിക്കും.
ഉള്ളി നെയ്യില് വറുത്തു കഴിച്ചാല് രക്താര്ശസ്സ് ശമിക്കും.
ഉള്ളിയുടെ നീരില് ഉപ്പ് ചേര്ത്ത് കണ്ണിലൊിക്കുന്നത് നിശാന്ധതയ്ക്ക് ഫലപ്രദമാണ്.
ഉള്ളിനീരില് തേനും നെയ്യും ചേര്ത്ത് കഴിച്ചാല് ശുക്ലം വര്ദ്ധിക്കും..
ഉള്ളി കഷായമുണ്ടാക്കി കഴിച്ചാല് അര്ശസ്സ്, മഞ്ഞപിത്തം ഇവ ശമിക്കും.
ഉള്ളിനീരില് സമഭാഗം കടുകെണ്ണ ചേര്ത്ത് ലേപനം ചെയ്താല് വാതസംബന്ധമായ വേദനകള് ശമിക്കും.
ഉള്ളിനീര് ലേപനം ചെയ്താല് ചൊറിച്ചില് ശമിക്കും.
ഉള്ളിനീര് കടുകെണ്ണയില് കാച്ചി തേച്ചാല് വാതവേദന ശമിക്കും.
ഉള്ളിനീര് കാലിനടിയില് പുരട്ടിയാല് തലവേദന ശമിക്കും.
ഉള്ളിനീര് അതിരാവിലെ രണ്ടൗണ്സ് കഴിച്ചാല് മൂത്രശയാകല്ല് മാറും. മൂത്രകൃഛ്റത്തിനും നല്ലത്.
പച്ച ഉള്ളി കഴിച്ചാല് ആര്ത്തവദോഷത്തിന് നല്ലതാണ്.
ഉള്ളിനീരും നാരങ്ങാനീരും ചേര്ത്ത് കഴിച്ചാല് അമിതവണ്ണം കുറയും.
പ്രോട്ടീന്, കൊഴുപ്പ്, ധാതുക്കള്, കാര്ബോഹൈഡ്രേറ്റ്, കാല്സ്യം, ഫോസ്ഫറസ്,, ഇരുമ്പ്, കരോട്ടിന്, തയാമിന്, നയാസിന്. വൈറ്റമിന് സി എന്നിവ ഉള്ളിയിലടങ്ങിയിരിക്കുന്നു.
ഉള്ളിപ്പൂവിന്റെ രുക്ഷഗന്ധം കീടങ്ങളെ അകറ്റും. കുടാതെ നല്ലൊരു ആന്റിസെപ്റ്റിക് ആണ് ഉള്ളിപ്പൂവ്.
ഇന്നത്തെ നിരീക്ഷണസംവിധാനങ്ങള് ഇല്ലാതെ ഇരുന്ന കാലത്താണ് സ്വന്താനുഭവങ്ങളെക്കൊണ്ടും സൂക്ഷ്മ നിരീക്ഷണം കൊണ്ട് നമ്മുടെ പിതാമഹന്മാര് ഉള്ളിയുടെ ഔഷധിശക്തി തിരിച്ചറിഞ്ഞ നിത്യഭക്ഷണ ത്തില് ഉള്ളി ഉള്പ്പെടുത്തിയത്.. ഇന്ന് ഇംഗ്ലീഷ് പത്രങ്ങളില് ഉള്ളിയുടെ അത്ഭുതഫലങ്ങള് വായിച്ച് അറിയുന്നവരാണ് നാം. ഇത്തരക്കാര് പുരാണവൈദ്യഗ്രന്ഥങ്ങള് വായിച്ചുനോക്കുന്നത് നന്നായിരിക്കും.
‘പലാണ്ഡൂര്വാതകഫഹാ ശുക്ലഃ ശൂലഗുല്മമുത്’. -ഹരിതസംഗ്രഹം..
‘ബീജപലാണ്ഡോ ദോഷ സാദ്യന്തകീടപ്രമേഹജിത്.’
– നിഘണ്ടുരത്നാകാരം.
‘ഗൃഞ്ജനസ്യ മധുരം കടുകന്ദം നാളമപ്യൂപദിശന്തി
കഷായം പത്രസഞ്ജയ മൃശന്തി ച തിക്തം
സൂരയോ ലവണമസ്ഥിവദന്തി’. – രാജനിഘണ്ടു.
ഉള്ളിയിലെ ഔഷധമൂല്യങ്ങള് പല അസുഖങ്ങള്ക്കും വിശേഷപ്പെട്ട പ്രതിവിധിയാണ്.
നാട്ടറിവ് – ഉള്ളിയും പനംശര്ക്കരയും ചേര്ത്ത് അരച്ച് കഴിച്ചാല് ചുമ, നീരിളക്കം ഇവ ശമിക്കും.
ഉള്ളി അരികെയുണ്ടെങ്കില് വിഷമുള്ള ഇഴജാതികള് വരികയില്ലെന്ന് വിശ്വാസമുണ്ട്.
