ന്യൂദല്ഹി : ആഡംബര പെട്രോള്, ഡീസല് കാറുകള് നിയന്ത്രിക്കുകയോ നിരോധിക്കുകയോ ചെയ്യുന്ന കാര്യം കേന്ദ്രം പരിഗണിക്കണമെന്ന് സുപ്രീം കോടതി നിര്ദ്ദേശിച്ചു. ഇത്തരമൊരു നടപടി വാഹന ഉടമകളില് ഒരു ചെറിയ വിഭാഗത്തെ മാത്രമേ ബാധിക്കുകയുള്ളൂവെന്നും എന്നാല് ഇലക്ട്രിക് കാറുകളിലേക്കുള്ള മാറ്റത്തെ അതു ത്വരിതപ്പെടുത്തുമെന്നും കോടതി നിരീക്ഷിച്ചു.
ഇലക്ട്രിക് വാഹന പദ്ധതികള് ഫലപ്രദമായി നടപ്പാക്കണമെന്ന് ആവശ്യപ്പെട്ട് സമര്പ്പിച്ച പൊതുതാല്പ്പര്യ ഹര്ജി പരിഗണിക്കുന്നതിനിടെയാണ് ജസ്റ്റിസുമാരായ സൂര്യകാന്ത്, ജോയ്മല്യ ബാഗ്ചി എന്നിവരടങ്ങിയ ബെഞ്ച് ഈ പരാമര്ശങ്ങള് നടത്തിയത്.
സര്ക്കാര് ഈ ആശയത്തോട് യോജിക്കുന്നുവെന്നും ഇലക്ട്രിക് വാഹന നയം നടപ്പാക്കുന്നതിന്റെ വിവിധ വശങ്ങളില് ബന്ധപ്പെട്ട മന്ത്രാലയങ്ങള് സജീവമായി പരിഗണിച്ചുവരികയാണെന്നും കേന്ദ്രത്തിനു വേണ്ടി ഹാജരായ അറ്റോര്ണി ജനറല് ആര് വെങ്കട്ടരമണി കോടതിയെ അറിയിച്ചു.
ആഡംബര പെട്രോള്, ഡീസല് കാറുകള് നിരോധിക്കരുതോ? കേന്ദ്രത്തോട് സുപ്രീംകോടതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.