ന്യൂദല്ഹി: ബീഹാറിലെ തെരഞ്ഞെടുപ്പില് തോറ്റത് നെപോകിഡുകളായ രാഹുല് ഗാന്ധിയും തേജസ്വിയാദവും ആണെന്ന് ബിജെപി വക്താവ് ഷെഹ് സാദ് പൂനവാല. ബീജെപിയുടെ വിജയത്തിന് പിന്നില് എണ്ണയിട്ടുപ്രവര്ത്തിക്കുന്ന ബിജെപിയുടെ തെരഞ്ഞെടുപ്പ് യന്ത്രം, മഹിളാശക്തിയോടുള്ള സമര്പ്പണം, വികസനരാഷ്ട്രീയം എന്നിവയാണെന്നും അദ്ദേഹം വിലയിരുത്തുന്നു.
ആരാണ് നെപോകിഡുകള്?
മാതാപിതാക്കളുടെ അധികാരം ഉപയോഗിച്ച് സ്ഥാനത്തെത്തുന്നവരെ വിളിക്കുന്ന പേരാണ് നെപോകിഡ് (Nepokid). നേപ്പാളിലെ ഭരണത്തിനെതിരെ ജെന് സീ തലമുറ (Gen Z generation) കലാപം നടത്തിയത് അവിടുത്തെ ഭരണത്തിലിരിക്കുന്നവരുടെ മക്കള് നയിക്കുന്ന ആഡംബരജീവിതത്തിലുള്ള പ്രതിഷേധം എന്ന നിലയ്ക്കായിരുന്നു. ഇവിടെ സോണിയയുടെ ഫലത്തില് രാഹുല് ഗാന്ധിയും ലാലുപ്രസാദ് യാദവിന്റെ പേരില് തേജസ്വിയും നെപോകിഡുകളായി വിലസുകയാണ്.
എണ്ണയിട്ടു പ്രവര്ത്തിക്കുന്ന ബിജെപിയുടെ തെരഞ്ഞെടുപ്പ് യന്ത്രം ബീഹാറില് സജീവമായിരുന്നു. മോദി ബീഹാളില് 14 തവണ റാലി നടത്തി. അമിത് ഷാ 46 തവണയാണ് ബീഹാറിലെ തെരഞ്ഞെടുപ്പ് റാലികളില് പങ്കെടുത്തത്. നിതീഷ് കുമാര് എന്ന അഴിമതി രഹിത മുഖ്യമന്ത്രിയും ഒരു പ്രധാനഘടകമായിരുന്നു. എന്തായാലും മോദി ഫാക്ടര് പ്രധാനമാണ്. അദ്ദേഹം ദേശീയ രാഷ്ട്രീയത്തിലേക്ക് കടന്നുവന്നശേഷമാണ് ബിജെപിയുടെ ഈ കുതിപ്പ്. സംസ്ഥാനങ്ങളില് തൊട്ടറിയാവുന്ന വികസനം കൊണ്ടുവരിക വഴി ഭരണവിരുദ്ധവികാരത്തെ ബിജെപിയും എന്ഡിഎയും മറികടക്കുകയാണ്.
അഴിമതിയെ ഭരണത്തോട് അടുപ്പിക്കില്ല. ഗുണ്ടായിസവും ബിജെപി ഒഴിവാക്കും. അങ്ങിനെയാണ് മഹാരാഷ്ട്രയിലും യുപിയിലും ഗുജറാത്തിലും എല്ലാം ഭരണവിരുദ്ധ വികാരങ്ങളെ മറികടന്ന് ബിജെപിക്ക് വിജയം നേടാനാകുന്നത്.- ഷെഹ്സാദ് പൂനവാല പറയുന്നു. .
