നീണ്ട ശിഖിരങ്ങളില് പുവും കായുമുള്ളതു കൊണ്ട് ശിഖരിയെന്ന് സംസ്കൃതനാമം.
കുടുംബം – അമരാന്തേസി.
ശാസ്ത്രനാമം – അക്കിരാന്തസ് ആസ്പെര.
ഭാഷനാമങ്ങള് – അപാമാര്ഗ, മയൂര, മാര്ക്കടി, നായുരുവി, ചിരുകടലാടി, ആഘേഡോ, ഉത്തരണെ, വിചിരാ, നൂറുരുവി.
ഭാരതത്തിലെ വരണ്ട ഉഷ്ണമേഖലാ പ്രദേശങ്ങളില് സുലഭമായി വളരുന്ന ഓഷധിയാണിത്.
രസാദിഗുണങ്ങള്
രസം -മധുരം.
ഗുണം – രുക്ഷം.
വീര്യം – ശീതം.
വിപാകം – മധുരം.
കര്മ്മം – വാതകഫശമനം.
ഔഷധഭാഗം -സമൂലം.
വിഷഹരശക്തിയുള്ള ഔഷധി. വിത്ത് പിത്തം, രക്തദോഷം, ചുമ എന്നിവക്ക് ഉത്തമം. കര്ണ്ണരോഗം ശമിക്കും. ഇല നേത്രരോഗത്തിന് ഉത്തമം. വേര് കൊണ്ട് പല്ലുതേച്ചാല് ദന്തരോഗം മാറും. മൂത്രളവും വസ്തി ശോധകവുമാണ്. അതിസാരം, നീര്വീക്കം, ചുമ, ആസ്തമ, വയറുവേദന, മഹോദരം എന്നിവയ്ക്ക് ഫലപ്രദം. ഞരമ്പ് സംബന്ധരോഗങ്ങള് ശമിക്കും.
വാതത്തെയും കഫത്തെയും ‘കടലാടി ശമിപ്പിക്കും. വസ്തിയില് ഉണ്ടാകുന്ന രോഗങ്ങള്ക്കൊക്കെയും ഗുണപ്രദം.
പ്രധാന ഔഷധ യോഗങ്ങള്
സുരസാദി തൈലം, ജാത്യാദി തൈലം, അഗസ്ത്യ രസായനം.
കടലാടി വേര് അരച്ച് കണ്ണിന് ചുറ്റും ലേപനം ചെയ്യുകയും, നെല്ലിക്ക അളവില് വെറും വയറ്റില് രാവിലെ കഴിച്ചാല് കാഴ്ചക്കുറവ്, രാക്കണ്ണ് എന്നീ നേത്രരോഗങ്ങള് ശമിക്കും.
കടലാടിതളിര് ചീരക്കറിയുണ്ടാക്കി കഴിച്ചാല് കഫ സംബന്ധമായ രോഗങ്ങള് ശമിക്കും.
കടലാടി അരച്ച് അരികഴുകിയ വെള്ളത്തില് കലക്കി തേന് ചേര്ത്ത് കഴിച്ചാല് അര്ശസ്സ് മാറും.
കടലാടി സമൂലം കഷായമുണ്ടാക്കി കഴിച്ചാല് നീര്വീക്കം ശമിക്കും.
കടലാടി വിത്ത് അരച്ച് തേനില് ചേര്ത്ത് കഴിച്ചാല് ചുമ ശമിക്കും.
വിത്ത് നല്ല പോലെ അരച്ച് പാലില് കലക്കി കഴിച്ചാല് വയറിളക്കം, ശീതഭേദി, രക്താതിസാരം എന്നിവ ശമിക്കും.
കടലാടി വിത്ത് ചോറുണ്ടാക്കി കഴിച്ചാല് അമിത വിശപ്പ് ശമിക്കും.
കടലാടിവേര്, ഇരട്ടിമധുരം, തിപ്പലി, കല്ലൂര്വഞ്ചി വേര്, പ്ലാശിന്തൊലി, മുരിങ്ങവേര്തൊലി എന്നിവ സമമെടുത്ത് കഷായമുണ്ടാക്കി അതില് ചവര്ക്കാരം പൊടിച്ചിട്ട് നിത്യം രണ്ടുനേരം 14 ദിവസം കഴിച്ചാല് വൃക്ക, മൂത്രാശയം എന്നിവയ്ക്ക് ഫലപ്രദം..
